Gold Rate: સોનામાં રેકોર્ડ વધારો! સોનું એક લાખથી 6,500 રૂપિયા દૂર

આજે Goldમાં રેકોર્ડ બ્રેક વધારો જોવા મળ્યો. સોના અને ચાંદીના ભાવમાં ફરી એકવાર વધારો જોવા મળી રહ્યો છે. અમેરિકા અને ચીન વચ્ચે વધતા વેપાર તણાવ વચ્ચે શુક્રવારે સોનાના ભાવ રેકોર્ડ ઊંચાઈએ પહોંચ્યા. સુરક્ષિત રોકાણ માટે રોકાણકારો સોના તરફ વળી રહ્યા છે, જેના કારણે આંતરરાષ્ટ્રીય બજારમાં સોનાની ચમક વધુ વધી છે. ભારતમાં પણ સોના અને ચાંદીના ભાવ ઊંચા સ્તરે રહ્યા છે. 11 એપ્રિલના રોજ, MCX પર સોનું 1400  રૂપિયાના વધારા સાથે ખુલ્યું. જેના કારણે ભાવ વધીને 93,433 રૂપિયા પ્રતિ 10 ગ્રામ થયો.

દેશમાં 24 કેરેટ સોનાના 10 ગ્રામનો ભાવ 1,00,000 રૂપિયાના રેકોર્ડ સ્તરથી 6,500 રૂપિયા દૂર છે. ગયા સપ્તાહના ઘટાડા પછી સોનામાં મોટો ઉછાળો જોવા મળ્યો છે. દેશના મોટાભાગના શહેરોમાં સોનાનો ભાવ 93,300 રૂપિયાથી ઉપર છે. ચાંદીનો ભાવ(Silver rate) 97100 રૂપિયા છે. આજે, શુક્રવાર 11 એપ્રિલના રોજ સોના અને ચાંદીના ભાવ અહીં જાણો.

ચાંદીનો ભાવ

શુક્રવાર, 11 એપ્રિલ, 2025ના રોજ ચાંદીનો ભાવ 97100  રૂપિયા હતો. ગઈકાલની સરખામણીમાં આજે ચાંદીના ભાવમાં 4,000 રૂપિયાનો વધારો થયો છે.

આજે સોનામાં કેમ વધારો થયો?

અમેરિકા અને ચીન વચ્ચે વધતા વેપાર યુદ્ધ અને નવા ટેરિફને કારણે થોડા સમય પહેલા સોનાના ભાવમાં ઘટાડો થયો હતો, પરંતુ હવે આંતરરાષ્ટ્રીય બજારમાં ભાવ ફરી વધવા લાગ્યા છે. તેની અસર ભારતમાં પણ જોવા મળી રહી છે, જ્યાં સોનાના ભાવ દરરોજ બદલાતા રહે છે. તેમની કિંમત વૈશ્વિક દરો, કર, આયાત ડ્યુટી અને રૂપિયાના મૂલ્ય પર આધારિત છે. હાલમાં, આંતરરાષ્ટ્રીય બજારમાં, સોનાનો ભાવ $3163 થી ઘટીને $3100 પ્રતિ ગ્રામ થઈ ગયો છે.

સોનાનો ભાવ કેવી રીતે નક્કી થાય છે?

ભારતમાં સોનાના ભાવ ઘણા કારણોસર બદલાય છે જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું ફક્ત રોકાણનું સાધન નથી, પરંતુ તે આપણી પરંપરાઓ અને તહેવારોનો એક મહત્વપૂર્ણ ભાગ પણ છે. ખાસ કરીને લગ્ન અને તહેવારો દરમિયાન તેની માંગ વધી જાય છે.