Credit Score: આ 5 ટિપ્સથી મજબુત કરો તમારો CIBIL સ્કોર, બેન્ક સામેથી સસ્તી લોન આપશે
છેલ્લું અપડેટ : 14 Feb 2025
Credit Score Tips: જો તમે સરળતાથી અને ઓછા વ્યાજે લોન લેવા માંગતા હો, તો તમારો CIBIL સ્કોર મજબૂત હોવો ખૂબ જ મહત્વપૂર્ણ છે. CIBIL સ્કોર તમારી ક્રેડિટ હિસ્ટ્રી દર્શાવે છે અને બેંકો અથવા ફાઇનાન્સ કંપનીઓ આના આધારે લોન મંજૂર કરે છે.
એક સર્વે મુજબ, ભારતની બે તૃતીયાંશ વસ્તીએ એક કે બીજા કારણે લોન લીધી છે. લોન લેવી હવે સામાન્ય થઈ ગઈ છે અને તેનું ચલણ દિવસેને દિવસે વધી રહ્યું છે. પરંતુ લોન મળવા કે ન મળવામાં CIBIL સ્કોર સૌથી મહત્વપૂર્ણ ભૂમિકા ભજવે છે.
CIBIL સ્કોર શું છે?
CIBIL સ્કોર 3-અંકનો રેટિંગ છે, જે 300 થી 900 ની વચ્ચે હોય છે. આ તમારી ક્રેડીટ હિસ્ટ્રી અને લોન ચુકવણીની આદતોના આધારે નક્કી કરવામાં આવે છે. સામાન્ય રીતે 700 કે તેથી વધુનો સ્કોર સારો માનવામાં આવે છે.
ભારતમાં ટ્રાન્સયુનિયન CIBIL, ઇક્વિફેક્સ, એક્સપિરિયન, CRIF હાઇમાર્ક આ ક્રેડિટ સ્કોર જાહેર કરતા મુખ્ય ક્રેડિટ બ્યુરો છે.
દરેક ક્રેડિટ બ્યુરોનો સ્કોર અલગ અલગ હોઈ શકે છે કારણ કે તેમની ગણતરીની પદ્ધતિઓ અલગ અલગ હોય છે. બેંકો અને લોન આપતી કંપનીઓ પણ પોતાના વિવેકબુદ્ધિથી એક અથવા વધુ ક્રેડિટ બ્યુરોના સ્કોર ચકાસીને લોન મંજૂરીનો નિર્ણય લે છે.
CIBIL સ્કોર શા માટે મહત્વપૂર્ણ છે?
બજાર નિષ્ણાતોના મતે, લોન આપતી બેંકો અને NBFC માટે, CIBIL સ્કોર એ ગ્રાહકની 'ક્રેડિટવર્થનેસ' એટલે કે નાણાકીય સ્થિતિ જાણવાનો એક માર્ગ છે. તે જ સમયે, આ સ્કોર લોન લેનારાઓને સમજવામાં મદદ કરે છે કે તેમને લોન મળશે કે નહીં. જો CIBIL સ્કોર સારો હોય તો લોન મળવાની શક્યતા વધી જાય છે અને તે ઓછા વ્યાજ દરે લોન મેળવવામાં મદદ કરે છે.
લોન મંજૂરીમાં CIBIL સ્કોર કેવી રીતે મદદ કરે છે?
બેંકો અને NBFCs નિર્ણય લેવા માટે CIBIL સ્કોર જુએ છે:
- લોન મંજૂર થશે કે નહીં
- કેટલી લોન મળશે
- કયા વ્યાજ દરે લોન આપવામાં આવશે?
સારા CIBIL સ્કોરનો ફાયદો એ છે કે લોન લેનાર બેંક પાસેથી ઝડપી મંજુરીથી નીચા વ્યાજ દરે અને વધુ રકમની લોન મેળવી શકે છે.
તમારા CIBIL સ્કોરને મજબુત કરવાની 5 સરળ રીતો
જો તમે તમારા CIBIL સ્કોરને સુધારવા માંગતા હો, તો આ 5 ટિપ્સ અનુસરો:
- બધા બિલ સમયસર ચૂકવો
જો તમે ક્રેડિટ કાર્ડ કે લોન લીધી હોય, તો હંમેશા તેનો EMI અને બિલ સમયસર ચૂકવો. જો તમે સમયસર ચુકવણી નહીં કરો, તો તમારો CIBIL સ્કોર બગડી શકે છે.
- તમારો ભૂતકાળનો ક્રેડિટ ઇતિહાસ જાળવી રાખો
જો તમારી પાસે જૂનું ક્રેડિટ કાર્ડ કે લોન ખાતું હોય, તો તેને બંધ ન કરો. લાંબી ક્રેડિટ હિસ્ટ્રી રાખવાથી તમારો સ્કોર વધુ સારો દેખાય છે.
- ક્રેડિટ કાર્ડનો ઉપયોગ સમજદારીપૂર્વક કરો
ક્રેડિટ કાર્ડની લિમિટના 30-40% થી વધુ ઉપયોગ કરશો નહીં. જો તમે આખી લિમિટ ખર્ચ કરો છો, તો બેંકને લાગશે કે તમને પૈસાની સખત જરૂર છે અને આ તમારી ક્રેડિટ પ્રોફાઇલ માટે સારું રહેશે નહીં.
- તમારો CIBIL રિપોર્ટ તપાસો
દર થોડા મહિને તમારો CIBIL રિપોર્ટ તપાસો. જો તેમાં કોઈ ભૂલ હોય, તો તેને સુધારી લો. ક્યારેક, ખોટી એન્ટ્રી પણ સ્કોર ઘટાડી શકે છે.
- ક્રેડિટ યુટિલાઇઝેશન રેશિયો-CUR ઓછો રાખો
જો તમે ક્રેડિટ કાર્ડનો ઉપયોગ કરી રહ્યા છો, તો ક્રેડિટ યુટિલાઇઝેશન રેશિયો-CUR ઓછો રાખવાનો પ્રયાસ કરો. આનાથી તમારો ક્રેડિટ સ્કોર સારો રહેશે. જો તમારા ખર્ચા વધી રહ્યા છે, તો તમે બેંકને ક્રેડિટ કાર્ડની લિમિટ વધારવાની વિનંતી કરી શકો છો. આનાથી તમે વધુ ખર્ચ કરી શકશો અને CUR ઓછો થશે. જ્યારે CUR ઓછો હોય છે, ત્યારે CIBIL સ્કોર સુધરે છે, જે ભવિષ્યમાં લોન મેળવવાનું સરળ બનાવી શકે છે.
