બજેટના દિવસે મોટા ઉથલપાથલ બાદ નજીવા ઘટાડે બંધ થયું શેરબજાર

બજેટ 2024 નો દિવસ શેરબજારમાં ઉથલપાથલથી ભરેલો હતો અને બજારે ઉપર અને નીચેની બંને તરફી તોફાની વધઘટ દર્શાવી હતી. નાણાપ્રધાન નિર્મલા સીતારમણના બજેટ ભાષણની શરૂઆતમાં બજાર સપાટ સ્તરે ટ્રેડ થઈ રહ્યું હતું, પરંતુ કેપિટલ ગેઈન્સ ટેક્સની જાહેરાત બાદ લગભગ 12.15 વાગ્યે બજારમાં તીવ્ર ઘટાડો જોવા મળ્યો હતો અને નિફ્ટી 24582ના દિવસના ઉપલ સ્તરેથી સીધો 24074ની નીતલી સપાટીએ આવી ગયો હતો. આ દરમિયાન સૌથી મોટો કડાકો પીએસયુ શેરોમાં નોંધાયો હતો. 

જોકે, બજારમાં નીચલા સ્તરોથી જબરદસ્ત રિકવરી જોવા મળી હતી અને નિફ્ટી ફરી એકવાર 24500ના સ્તરે પહોંચી ગયો હતો. ટ્રેડિંગ સેશનના અંતે નિફ્ટી 30 પોઈન્ટના ઘટાડા બાદ 24479ના સ્તરે બંધ થયો હતો જ્યારે સેન્સેક્સ 73 પોઈન્ટના ઘટાડા બાદ 80429ના સ્તરે બંધ થયો હતો.

લોંગ ટર્મ અને શોર્ટ ટર્મ કેપિટલ ગેઈન ટેક્સમાં વધારા બાદ માર્કેટમાં ભારે વોલેટિલિટી જોવા મળી હતી. આજે બજારમાં એફએમસીજી શેરોમાં ઉછાળો જોવા મળ્યો. ટાઇટન કંપનીના શેરમાં આજે મહત્તમ 7 ટકા સુધીનો વધારો જોવા મળ્યો હતો.

આઇટીસી, ટાટા કન્ઝ્યુમર, એનટીપીસી, અદાણી પોર્ટ્સ જેવા કાઉન્ટર્સ નિફ્ટી 50ના ટોપ ગેઇનર્સ હતા, જ્યારે શ્રીરામ ફાઇનાન્સ, એલએન્ડટી, હિન્દાલ્કો, બજાજ ફાઇનાન્સ જેવા શેરો નિફ્ટી 50ના ટોપ લુઝર હતા.

બજારમાં અસ્થિરતા હોવા છતાં, નિફ્ટીએ તેના 24000 ના સપોર્ટ ઝોનનો બચાવ કર્યો હતો અને આ સ્તરની બરાબર પહેલા બજારમાં ખરીદી આવી હતી, જ્યારે બપોરે બજારમાં વેચવાલી હતી, ત્યારે પીએસયુ  શેરોમાં ભારે ઘટાડો થયો હતો અને તેઓ એ વિશાળ 10 ટકા.

બજેટમાં પીએમ સૂર્ય ઘર મફત વીજળી યોજના પર વધુ ભાર મૂકવામાં આવ્યો હતો, ત્યારબાદ સૌર ઉર્જા સાથે સંબંધિત શેરો ધ્યાન પર આવ્યા હતા. ટાઇટન અને એનટીપીસી જેવા શેરોને બજેટની જાહેરાતોથી ફાયદો થયો હતો અને તે આજના બજારમાં ટોચના લાભકર્તા હતા.