Auto: રાત્રિના અંધકારમાં કાર ચલાવવાની સાચી રીત શું! જાણો આ ધ્ચાનમાં રાખવા જેવી ખાસ બાબતો
છેલ્લું અપડેટ : 21 Feb 2026
ભારતમાં રસ્તાઓની સ્થિતિ સતત સુધરી રહી છે, જેના કારણે લોકો દિવસની સાથે રાત્રિના સમયે પણ કારમાં મુસાફરી કરવાનું પસંદ કરે છે. જોકે, રાત્રે કાર ચલાવવી પડકારજનક હોઈ શકે છે. કેટલીક બાબતોનું ધ્યાન રાખવામાં આવે તો અકસ્માતોથી બચીને સુરક્ષિત રીતે મુસાફરી પૂર્ણ કરી શકાય છે. અહીં કેટલીક મહત્ત્વની ટિપ્સ આપી છે:
લાઇટ્સ છે ખૂબ જરૂરી
રાત્રે સુરક્ષિત મુસાફરી માટે સારા ડ્રાઇવરની સાથે કારની લાઇટ્સનું યોગ્ય રીતે કામ કરવું પણ અત્યંત જરૂરી છે. ઘણીવાર લોકો બેદરકારી રાખે છે જેના કારણે લાઇટ્સ ખરાબ થઈ જાય છે. ખરાબ લાઇટને લીધે અકસ્માતનું જોખમ તો વધે જ છે, સાથે જ ટ્રાફિક નિયમોનું ઉલ્લંઘન થવાથી પોલીસ દ્વારા દંડ (ચલાણ) પણ થઈ શકે છે.
વિન્ડશીલ્ડને સાફ રાખો
ઘણીવાર રાત્રે ડ્રાઇવિંગ કરતી વખતે સામેથી આવતા ટ્રાફિકનો યોગ્ય અંદાજ આવતો નથી. આવું સામાન્ય રીતે ત્યારે થાય છે જ્યારે કારની વિન્ડશીલ્ડ (આગળનો કાચ) સાફ ન હોય. મુસાફરી દરમિયાન ધૂળ-માટી જામવાને કારણે વિઝિબિલિટી (દ્રશ્યતા) ઘટી જાય છે. તેથી રાત્રે મુસાફરી શરૂ કરતા પહેલા કાચને સારી રીતે સાફ કરી લેવો જોઈએ.
મનપસંદ સંગીત સાંભળો
રાત્રિની મુસાફરી દરમિયાન જો કારમાં મનપસંદ ગીતો વગાડવામાં આવે, તો ડ્રાઇવર કંટાળ્યા વગર સહેલાઇથી મુસાફરી કરી શકે છે. પરંતુ ધ્યાન રાખવું કે સંગીતનો અવાજ ખૂબ વધારે ન હોય, કારણ કે વધુ અવાજમાં અન્ય વાહનોના હોર્ન સંભળાતા નથી. તેથી ધીમા અવાજે સંગીત સાંભળવું હિતાવહ છે.
થોડી થોડી વારે વિરામ લો
રાત્રે જો કોઈપણ મુશ્કેલી વગર કાર ચલાવવી હોય, તો દર થોડા કલાકે બ્રેક લેવો ખૂબ જરૂરી છે. સતત ડ્રાઇવિંગ કરવાથી ડ્રાઇવરને ઊંઘ આવવાનું જોખમ રહે છે, જે મોટા અકસ્માતનું કારણ બની શકે છે. તેથી પ્રયત્ન કરો કે દર થોડા કલાકે કાર ઉભી રાખીને થોડો આરામ કરો. આનાથી તમને ઊંઘ નહીં આવે અને કારના એન્જિનને પણ થોડો આરામ મળશે.