બાઇક અને કારની સર્વિસિંગ ક્યારે કરાવવી? આટલા KM પછી સર્વિસ ન કરાવવી પડી શકે છે ભારે!
છેલ્લું અપડેટ : 19 Sept 2026
નવી બાઇક કે કાર હોય તો કંપનીના સર્વિસ શેડ્યૂલને અનુસરવું પણ એટલું જ જરૂરી છે. સામાન્ય રીતે, થોડા હજાર કિલોમીટર પછી બાઇકની સર્વિસ કરાવવી પડે છે. કંપની દ્વારા ભલામણ કરાયેલા સમયે તમારી નવી બાઇકની સર્વિસ કરાવો. બાઇકના મોડેલના આધારે સર્વિસનો સમય બદલાઈ શકે છે.
એન્જિન ઓઇલ નિયમિતપણે બદલવાની જરૂર છે. બાઇકની ચેઇન અને બ્રેક્સ પણ તપાસવા જોઈએ. ટાયર અને હવાનું દબાણ પણ તપાસવું જોઈએ.
જો તમારી બાઇક કોઈ વિચિત્ર અવાજ કરે તો સર્વિસની રાહ ન જુઓ. લાંબા ગાળાના સર્વિસમાં વિલંબથી બાઇકની સર્વિસ લાઇફ બગડી શકે છે.
નવી કાર માટે પહેલી સર્વિસ સામાન્ય રીતે 1000 કિલોમીટર અથવા 1 મહિને કરવામાં આવે છે. તેમાં સામાન્ય ફ્રી ચેકઅપ, નટ-બોલ્ટ ટાઈટ કરવા અને ઓઈલ લેવલ તપાસવું હોય છે.
રેગ્યુલર સર્વિસિંગનો અંતરાલ દર 10,000 કિલોમીટર અથવા 6થી 12 મહિનામાં રાખવું. તેમાં એન્જિન ઓઈલ બદલવું, ઓઈલ ફિલ્ટર બદલવું અને એર ફિલ્ટર સાફ કરવું અથવા બદલવું જોઈએ.
મેજર સર્વિસનો અંતરાલ દર 20,000 થી 40,000 કિલોમીટર સુધી રાખવું. તેમાં બ્રેક ઓઈલ, કૂલન્ટ, સ્પાર્ક પ્લગ અને વીલ અલાઈનમેન્ટ/બલેસિંગની સંપૂર્ણ ચકાસણી કરવી. હંમેશા કંપનીની સૂચનાઓ અનુસાર તમારી બાઇક અને કારની સર્વિસ કરાવો.
