દરેકના બજેટમાં હશે 6500mAh બેટરી સાથે આ ફોન, જાણો ફીચર્સ અને કિંમત

Vivo ટૂંક સમયમાં પોતાનો નવો બજેટ સ્માર્ટફોન Vivo T4x 5G લોન્ચ કરવા જઈ રહ્યું છે. Vivo T4x 5G ની લોન્ચ તારીખ કન્ફર્મ થાય તે પહેલાં હવે ફ્લિપકાર્ટ પર ફોનની કિંમત લીક થઈ ગઈ છે. ફ્લિપકાર્ટ દ્વારા બહાર પાડવામાં આવેલા નવા પોસ્ટર મુજબ, Vivo T4x 5G 6GB RAM + 128GB સ્ટોરેજ ફોનની કિંમત 13000 રૂપિયાથી ઓછી હશે. કારણ કે પોસ્ટરમાં ફોનની કિંમત 12,XXX રૂપિયા લખેલી છે.

આ પણ વાંચો :

ગૂગલે તેની સુરક્ષામાં કર્યો વધારો, લૉગ ઇન સિસ્ટમમાં કર્યા મોટા ફેરફાર

15 હજારથી ઓછી કિંમતમાં મળે છે ટોપ 10 સ્માર્ટફોન, મોડેલ છે શાનદાર 

અગાઉ ફ્લિપકાર્ટે ફોનનો ફર્સ્ટ લુક પણ રજૂ કર્યો છે જે દર્શાવે છે કે ફોનમાં ડ્યુઅલ રીઅર કેમેરા, એક LED ફ્લેશ અને એક રિંગ LED ફ્લેશ હશે. અહીં જાણોVivo T4x 5G ફોનના ફીચર્સ વિશે. કંપનીએ પહેલાથી જ ખુલાસો કર્યો છે કે આ Vivo ફોન સેગમેન્ટમાં સૌથી મોટી બેટરી સાથે આવશે.

Vivo T4x 5G ની ખાસ ફીચર્સ (લીક થઈ)

Vivo T4x 5G ફોનમાં 6.72-ઇંચ FHD+ IPS LCD સ્ક્રીન મળી શકે છે જે 120Hz રિફ્રેશ રેટને સપોર્ટ કરશે. ફોનને પાવર આપવા માટે, તેમાં મીડિયાટેક ડાયમેન્સિટી 7300 પ્રોસેસર હોઈ શકે છે. કેમેરા વિશે વાત કરીએ તો, Vivo T4x 5G માં 50MP મુખ્ય કેમેરા, 2MP અલ્ટ્રા-વાઇડ કેમેરા અને 8MP સેલ્ફી કેમેરા હોવાની અપેક્ષા છે.

આ ફોનમાં 6500mAh ની શક્તિશાળી બેટરી હશે જે 44W ફાસ્ટ ચાર્જિંગ સાથે આવશે. ફોનમાં 6GB LPDDR4X રેમ + 128GB UFS 2.2 સ્ટોરેજ હશે. આ ફોન 2 વર્ષના OS અપડેટ્સ અને 3 વર્ષના સુરક્ષા અપડેટ્સ સાથે આવશે. ઉપરાંત ફોનમાં ડ્યુઅલ સ્પીકર્સ હશે જે સંગીતની મજાને બમણી કરશે.