H-1B વીઝા રદ થતાં તૂટી ગયું હતું અમેરિકામાં રહેવાનું સપનું, આજે કૂપન બુક વેચવાથી શરૂઆત કરીને આ રીતે બનાવી દેશની જાણીતી કંપની Snapdeal!

H-1B વીઝા રદ થતાં તૂટી ગયું હતું અમેરિકામાં રહેવાનું સપનું, આજે કૂપન બુક વેચવાથી શરૂઆત કરીને આ રીતે બનાવી દેશની જાણીતી કંપની Snapdeal!
તસવીર: gstv
આ સમાચાર સાંભળો

અમેરિકામાં માઈક્રોસોફ્ટ (Microsoft) જેવી દિગ્ગજ ટેક કંપનીમાં નોકરી મળવી એ કોઈપણ યુવાન માટે મોટી સફળતા ગણાય છે. પરંતુ સ્નેપડીલ (Snapdeal) ના કો-ફાઉન્ડર કુણાલ બહલ માટે આ સફર બહુ લાંબો ચાલી શક્યો નહોતો. વર્ષ 2007 માં તેમને માઈક્રોસોફ્ટમાં નોકરીની ઓફર તો મળી ગઈ હતી, પરંતુ તેમનો H-1B વીઝા રિજેક્ટ થઈ ગયો હતો. તે સમયે કરિયર માટે મોટો ઝટકો લાગતી આ ઘટનાને તેમણે પોતાની જિંદગીની નવી શરૂઆત બનાવી દીધી અને ભારત પરત ફરીને પોતાનો બિઝનેસ શરૂ કર્યો.

અમેરિકામાં અભ્યાસ અને વીઝા રિજેક્શનનો આંચકો

જાહેરાત

કુણાલ બહલે અમેરિકાની યુનિવર્સિટી ઓફ પેન્સિલવેનિયામાંથી પોતાનો અભ્યાસ પૂર્ણ કર્યો હતો. અભ્યાસની સાથે જ તેમણે માઈક્રોસોફ્ટમાં ઈન્ટર્નશિપ કરી અને ત્યારબાદ કંપનીએ તેમને ફુલ-ટાઈમ નોકરીની ઓફર આપી. જોકે, વર્ષ 2007 માં તેમને જાણ થઈ કે તેમનો H-1B વીઝા નામંજૂર કરવામાં આવ્યો છે અને અમેરિકામાં કામ કરવાની વર્ક પરમિટ પણ પૂરી થવા આવી હતી. આટલી મોટી કંપનીમાં નોકરી હોવા છતાં વીઝા કેમ રિજેક્ટ થયો, તે વાત તેમના માટે આશ્ચર્યજનક હતી.

કૂપન બુકથી શરૂ થઈ Snapdeal ની સફર

વીઝા રિજેક્ટ થયા બાદ માઈક્રોસોફ્ટે કુણાલને ભારત પરત ફરીને કંપનીની ભારતીય ઓફિસમાંથી કામ ચાલુ રાખવા અને એક વર્ષ પછી ફરીથી વીઝા માટે અરજી કરવાનો વિકલ્પ આપ્યો હતો. પરંતુ કુણાલના મનમાં કંઈક અલગ જ ચાલી રહ્યું હતું.

ભારત આવ્યા બાદ તેમણે નોકરી કરવાને બદલે પોતાના સ્કૂલના મિત્ર રોહિત બંસલ સાથે મળીને પોતાની કંપની શરૂ કરવાનો નિર્ણય લીધો. શરૂઆતમાં બંને મિત્રોએ કૂપન બુક વેચવાનું કામ શરૂ કર્યું હતું, જે આગળ જતાં દેશના જાણીતા ઓનલાઈન શોપિંગ પ્લેટફોર્મ સ્નેપડીલ (Snapdeal) માં પરિવર્તિત થયું. આજે કુણાલ બહલ સ્નેપડીલના કો-ફાઉન્ડર હોવાની સાથે જાણીતી રોકાણ કંપની 'ટાઈટન કેપિટલ' (Titan Capital) ના સહ-સ્થાપક અને 'શાર્ક ટેન્ક ઈન્ડિયા'ના જજ પણ છે.

IBM એ પણ વીઝા ખર્ચ બંધ કરવાનો લીધો હતો નિર્ણય

નોંધનીય છે કે, હાલના સમયમાં પણ અમેરિકન કંપનીઓમાં H-1B વીઝાને લઈને નિયમો કડક બની રહ્યા છે. અહેવાલો મુજબ, અમેરિકન ટેક કંપની IBM એ પણ અમેરિકામાં તેના કન્સલ્ટિંગ બિઝનેસની મોટાભાગની નોકરીઓ માટે H-1B વીઝા અને ગ્રીન કાર્ડનો ખર્ચ ઉઠાવવાનું બંધ કરવાનો નિર્ણય લીધો હતો, જેના કારણે કર્મચારીઓ પાસે અમેરિકાની બહાર રહીને કામ કરવાનો અથવા વર્ષ 2026 ના અંત સુધીમાં કંપની છોડવાનો વિકલ્પ રહ્યો હતો.

આ સમાચાર શેર કરો

જાહેરાત