Auto News : હવે નાની કાર નહીં દેશવાસીઓને પસંદ છે મોટી ગાડી, આ આંડકા પર કરો એક નજર
છેલ્લું અપડેટ : 30 Aug 2025
એક સમય હતો જ્યારે ભારતીય ઓટોમોબાઈલ ક્ષેત્રમાં હેચબેક કારની સૌથી વધુ માંગ હતી. પોષાય તેવા ભાવ, કોમ્પેક્ટ કદ અને સારી માઈલેજને કારણે તે મધ્યમ વર્ગના પરિવારો માટે પહેલી પસંદગી બની હતી. પરંતુ હવે સમય બદલાઈ રહ્યો છે, બજારમાં ટ્રેન્ડ બદલાઈ રહ્યો છે. છેલ્લા કેટલાક મહિનામાં હેચબેક કારના વેચાણમાં ભારે ઘટાડો થયો છે અને SUV ઝડપથી આ અંતરને ભરી રહી છે. જુલાઈ 2025ના આંકડા આ બદલાતી તસવીરને સ્પષ્ટપણે દર્શાવે છે.
હેચબેક સેગમેન્ટમાં માંગ ઘટી
મારુતિ સુઝુકી હેચબેક સેગમેન્ટમાં સૌથી મોટી કંપની છે, પરંતુ તેના ઘણા મોડેલોનું વેચાણ નબળું રહ્યું. જુલાઈમાં વેગનઆરના કુલ 14,710 યુનિટ વેચાયા હતા. ત્યારબાદ સ્વિફ્ટના 14,190 યુનિટ વેચાયા હતા. બંને મોડેલનું વેચાણ વાર્ષિક ધોરણે વધ્યું હતું.
પરંતુ તેનાથી વિપરીત, અલ્ટો K10નું વેચાણ 20 ટકા ઘટીને 5,910 યુનિટ થયું હતું. ઇગ્નિસના 1,977 યુનિટ વેચાયા હતા, જે 11 ટકાનો ઘટાડો હતો. સેલેરિયોએ 1,392 યુનિટ વેચ્યા હતા, જે 43 ટકાનો ઘટાડો હતો. સૌથી મોટું નુકસાન S-Presoને થયું હતું, જેનું વેચાણ 64 ટકા ઘટીને ફક્ત 912 યુનિટ થયું હતું.
જુલાઈમાં ટિયાગોનું વેચાણ ધીમું પડ્યું
ટાટા મોટર્સની સૌથી લોકપ્રિય હેચબેક ટિયાગોનું વેચાણ જુલાઈમાં ઘટીને 5,575 યુનિટ થયું, જે 1.5 ટકાનો ઘટાડો દર્શાવે છે. અલ્ટ્રોઝનું વેચાણ 13 ટકા ઘટીને 3,905 યુનિટ થયું. ગ્રાન્ડ i10 Niosનું વેચાણ 28 ટકા ઘટીને 3,560 યુનિટ થયું, જ્યારે i20નું વેચાણ 31 ટકા ઘટીને 3,396 યુનિટ થયું.
SUVની માંગમાં વધારો
હવે ગ્રાહકોની પસંદગી કોમ્પેક્ટ અને મધ્યમ કદની SUV તરફ વળી રહી છે. SUV ન ફક્ત વધુ જગ્યા અને સારી ગ્રાઉન્ડ ક્લિયરન્સ જ પૂરી પાડે છે. કંપનીઓ આ સેગમેન્ટમાં સતત નવા મોડેલ અને અદ્યતન ફીચર્સ લોન્ચ કરી રહી છે. પરંતુ હવે કંપનીઓ નાની કાર પર પણ ધ્યાન કેન્દ્રિત કરી રહી છે. એવું માનવામાં આવે છે કે GST ઘટાડતાની સાથે જ નાની કારની કિંમત ઘટી શકે છે.
