Google Geminiથી કેવી રીતે બનાવવો મફતમાં 3D અવતાર? અહીં જાણો સ્ટેપ બાય સ્ટેપ 

આજકાલ સોશિયલ મીડિયામાં એક નવો ટ્રેન્ડ છવાયો છે, જેને 3D ડિજિટલ ફિગર કહેવામાં આવે છે. સામાન્ય લોકો ઉપરાંત, સેલિબ્રિટી અને રાજકારણીઓ પણ તેનો ઉપયોગ કરી રહ્યા છે. તાજેતરમાં આસામના મુખ્યમંત્રી હિમંતા બિસ્વા શર્માએ પણ AI ટૂલનો ઉપયોગ કરીને એક ફોટો પોસ્ટ કર્યો હતો, જે લોકોને ખૂબ ગમ્યો. આવી સ્થિતિમાં જો તમે પણ તમારી જાતની આવી જ તસવીર બનાવવા માંગો છો પરંતુ શું કરવું તે સમજાતું નથી, તો તમને જણાવીશું કે તમે ટૂલ્સનો ઉપયોગ કરીને 3D તસવીર કેવી રીતે બનાવી શકો છો.

Google Geminiનું નવું ફીચર

ગુગલ જેમિનીમાં તાજેતરમાં એક નવું ફીચર ઉમેરવામાં આવ્યું છે. તેનું નામ Gemini 2.5 Flash Image છે. સામાન્ય ભાષામાં તેને “Nano Banana” પણ કહેવામાં આવી રહ્યું છે. આ AI ટૂલ કોઈપણ તસવીરને થોડીક સેકન્ડમાં 3D મોડેલમાં રૂપાંતરિત કરે છે અને તે સામાન્ય તસવીરથી સંપૂર્ણપણે અલગ દેખાય છે. નોંધનીય છે કે આ ફીચરનો ઉપયોગ કરવા માટે તમારે કોઈ પૈસા ચૂકવવાની જરૂર નથી. તે સંપૂર્ણપણે મફત છે.

Google Gemini પર 3D ફોટો કેવી રીતે બનાવવો?

• તમારા ફોનમાં ગુગલ જેમિની ડાઉનલોડ કરો
• Google AI Studio પર ક્લિક કરો
• હોમ પેજ પર Gemini 2.5 Flash Imageનો વિકલ્પ મળશે
• તમને કેવા પ્રકારનો ફોટો જોઈએ છે તેનો પ્રોમ્પ્ટ નાખો
• 3D પિક્ચર માટે, + વડે પિક્ચર અપલોડ કરો
• ફોટો થોડી સેકંડમાં તૈયાર થઈ જશે.
• અંતે, તેને તમારા ફોનમાં ડાઉનલોડ કરો અને તેને શેર કરો

ગુગલ જેમિની શું છે?

ચેટજીપીટીની જેમ ગૂગલ જેમિની પણ એક એઆઈ પ્લેટફોર્મ છે, જે ગૂગલ રિસર્ચની મદદથી બનાવવામાં આવ્યું છે. અહીં ટેક્સ્ટ, ઈમેજ અને વિડિઓઝ બનાવી શકાય છે. આ ઉપરાંત તેનો ઉપયોગ અભ્યાસ તેમજ ઓફિસના કામ માટે પણ થઈ શકે છે. તેનો ઉપયોગ ફોન અને ડેસ્કટોપ બંને પર થાય છે.