Auto: ઉનાળામાં ભઠ્ઠી જોવી તપતી કાર પણ તરત જ પડશે ઠંડી, અપનાવો આ 5 સરળ ટિપ્સ!
છેલ્લું અપડેટ : 25 Mar 2026
ઉનાળાની ઋતુ માત્ર આપણા માટે જ નહીં પરંતુ આપણી કાર માટે પણ પડકારજનક સમય હોય છે. દેશના ઘણા ભાગોમાં તાપમાન 50 ડિગ્રી સુધી પહોંચી જાય છે. જ્યારે પારો આટલો ઊંચો હોય, ત્યારે તડકામાં ઉભેલી કાર એક ભઠ્ઠી જેવી બની જાય છે. અહીં જણાવેલી 5 રીતો અપનાવીને તમે તમારી કારને ઠંડી રાખી શકો છો.
AC ચલાવવાની સાચી રીત
ધગધગતા તડકામાં ઉભેલી કારની અંદર બેસતાની સાથે જ તરત જ AC ચલાવવાની ભૂલ ન કરો. સૌથી પહેલા કારના દરવાજા કે બારીઓ ખોલી નાખો જેથી અંદરની ગરમી બહાર નીકળી શકે. લગભગ 1 મિનિટ પછી જ્યારે કેબિનનું તાપમાન નોર્મલ થઈ જાય, ત્યારે બારીઓ બંધ કરીને AC શરૂ કરો. પહેલા તેને લો (Low) અથવા મીડિયમ પર ચલાવો અને પછી ધીમે-ધીમે કુલિંગ વધારો.
બોનેટની સંભાળ (એન્જિનની કાળજી)
ભીષણ ગરમીમાં કારના એન્જિનને ઠંડુ રાખવું એ મોટો પડકાર છે. સૌથી પહેલા કૂલન્ટ (Coolant)ના લેવલ પર નજર રાખો અને તેને સમયસર ટોપ-અપ કરતા રહો જેથી એન્જિન ઓવરહીટ ન થાય. એન્જિન ઓઈલની સ્થિતિ પણ તપાસી લો, જો સર્વિસિંગનો સમય નજીક હોય તો તેને અવગણશો નહીં, કારણ કે નવું ઓઈલ ગરમી ઘટાડવામાં મદદ કરે છે.
કારનું ઈન્ટિરિયર
સીધો તડકો માત્ર કારના પેઈન્ટને જ નહીં પણ ડેશબોર્ડ અને પ્લાસ્ટિકના ભાગોને પણ નુકસાન પહોંચાડે છે. આ માટે વિન્ડશીલ્ડ સનશેડનો ઉપયોગ કરો, તે કેબિનનું તાપમાન ઓછું રાખવામાં મદદ કરે છે. જો તમારી કારમાં લેધર સીટ્સ હોય તો તે જલ્દી તપી જાય છે, આવા સમયે ફેબ્રિક સીટ કવર લગાવવા એ સમજદારીભર્યો નિર્ણય છે.
સાચું પાર્કિંગ એ જ મોટી સુરક્ષા
હંમેશા પ્રયત્ન કરો કે તમારી ગાડી કોઈ છાયડાવાળી જગ્યાએ પાર્ક થાય. જો કોઈ વૃક્ષનો છાયડો મળી જાય તો તે સીધા તડકામાં ગાડી ઉભી રાખવા કરતા ઘણું સારું છે. જો ક્યાંય છાયડો ન મળે, તો કાર કવરનો ઉપયોગ કરો. આ માત્ર કારનો રંગ ઉડતા બચાવશે નહીં પરંતુ કેબિનને પણ ઠંડુ રાખશે.
ટાયરોની દેખરેખ
રસ્તાની ગરમીને કારણે ટાયરની અંદરની હવા ફેલાવા લાગે છે, જેનાથી પ્રેશર વધી શકે છે. તેથી અઠવાડિયામાં ઓછામાં ઓછું એકવાર ટાયર પ્રેશર ચેક કરાવો. હવાનું દબાણ હંમેશા કંપનીએ સૂચવેલા લેવલ પર જ રાખો. જો ટાયર જૂના હોય તો ગરમીમાં તે ફાટવાનું જોખમ વધી જાય છે, તેથી તેની તપાસ કરતા રહો.