VIDEO: કોલકાતામાં ભારે પવન અને ગાજવીજ સાથે વરસાદ

કોલકાતા અને તેની આસપાસના વિસ્તારોમાં વાતાવરણમાં અચાનક પલટો આવતા ભારે પવન અને ગાજવીજ સાથે વરસાદ ખાબક્યો હતો. અચાનક આવેલા આ વરસાદને કારણે કાળઝાળ ગરમીથી પરેશાન લોકોને મોટી રાહત મળી છે, પરંતુ તેજ પવનને લીધે શહેરના અનેક માર્ગો પર વૃક્ષો ધરાશાયી થવાની અને ટ્રાફિક જામની સમસ્યા સર્જાઈ હતી. હવામાન વિભાગ મુજબ, બંગાળની ખાડીમાં સર્જાયેલા ભેજવાળા પવનોને કારણે આગામી 24 કલાક દરમિયાન કોલકાતા સહિત દક્ષિણ બંગાળના વિવિધ જિલ્લાઓમાં મધ્યમથી ભારે વરસાદની શક્યતા છે. આ વરસાદને કારણે તાપમાનમાં 4 થી 5 ડિગ્રીનો ઘટાડો નોંધાયો છે, જેનાથી જનજીવન પ્રભાવિત થયું છે પરંતુ લાંબા સમયથી પડતી અસહ્ય ગરમીમાં ઠંડક પ્રસરી છે.