Video: ટીમ ઈન્ડિયાની વિજય પરેડમાં ડઝનબંધ ફેન્સ થયા ઘાયલ, હજારોની સંખ્યામાં પગરખાં રસ્તા પર વેરવિખેર
ટીમ ઈન્ડિયાની જીત બાદ મુંબઈમાં વિજય પરેડનું આયોજન કરવામાં આવ્યું હતું. આ પ્રસંગે મુંબઈના રસ્તાઓ
ટીમ ઈન્ડિયાની જીત બાદ મુંબઈમાં વિજય પરેડનું આયોજન કરવામાં આવ્યું હતું. આ પ્રસંગે મુંબઈના રસ્તાઓ પર લાખો ક્રિકેટ ચાહકો એકઠા થયા હતા. ભીડને કારણે લોકોને ભારે મુશ્કેલીનો સામનો કરવો પડ્યો હતો. વિજય પરેડ દરમિયાન મોટી ભીડને કારણે ઘણા ક્રિકેટ ચાહકોની તબિયત પણ લથડી હતી. આ સિવાય ઘણા ક્રિકેટ ફેન્સ પણ ઘાયલ થયા છે. પોલીસે કોઈક રીતે ઘાયલોને ઝડપથી ભીડમાંથી બચાવ્યા અને તેમને હોસ્પિટલ લઈ ગયા, જ્યાં તેમની સારવાર કરવામાં આવી. કેટલાક લોકો હજુ પણ સારવાર હેઠળ છે.
વિજય પરેડમાં લાખો ચાહકોએ ભાગ લીધો હતો
ટી-20 વર્લ્ડ કપમાં ટીમ ઈન્ડિયાની જીત બાદ મુંબઈમાં વિજય પરેડનું આયોજન કરવામાં આવ્યું હતું. આ વિજય પરેડમાં ભાગ લેવા માટે લાખો ક્રિકેટ ચાહકો વરસતા વરસાદ વચ્ચે રસ્તાઓ પર એકઠા થયા હતા. સ્થિતિ એવી હતી કે જ્યાં પણ નજર ઠરે બધે ભીડ જોવા મળતી હતી. તે જ સમયે, ટીમ ઈન્ડિયાની જીતની ઉજવણી કરવા આવેલા લોકોને ઘણી સમસ્યાઓનો સામનો કરવો પડ્યો હતો. અહીં ભારે ભીડને કારણે ઘણા ચાહકો ઘાયલ થયા છે. આ દરમિયાન કેટલાક ચાહકોને શ્વાસ લેવામાં તકલીફ પડી.
મુંબઈ પોલીસે ઘાયલોને હોસ્પિટલમાં દાખલ કર્યા
મુંબઈ પોલીસના જણાવ્યા અનુસાર, વિજય પરેડ દરમિયાન ખરાબ તબિયતના કારણે 10 લોકોને નજીકની સરકારી હોસ્પિટલમાં સારવાર માટે લઈ જવામાં આવ્યા હતા. અહીં આઠ લોકોને સારવાર આપીને તાત્કાલિક રજા આપવામાં આવી હતી, જ્યારે બે લોકોને સારવાર માટે દાખલ કરવામાં આવ્યા છે. પોલીસના જણાવ્યા અનુસાર, દાખલ બે લોકોમાંથી એકને ફ્રેક્ચર છે. બીજાને શ્વાસ લેવામાં તકલીફ થઈ રહી હતી. પોલીસે જણાવ્યું કે મોટી ભીડને કારણે એક છોકરી બેભાન થઈ ગઈ, જેને મુંબઈ પોલીસે બચાવી લીધી.
