VIDEO: સુરેન્દ્રનગરમાં કિન્નર પરિવાર પર પથ્થરમારા અને હુમલાનો મામલો, 23 કિન્નરોની અટકાયત

સુરેન્દ્રનગરમાં કિન્નરોના ટોળા દ્વારા સોનપુર રોડ પર થયેલા પથ્થરમારાની ઘટના ગુરુ ગાદીના વિવાદને લઈને બની હતી. આ ઘટનામાં 25 જેટલી કારોના કાફલા સાથે અમદાવાદ સહિત અન્ય જિલ્લાઓમાંથી કિન્નરો સુરેન્દ્રનગર આવ્યા હતા અને એક કિન્નર પરિવાર પર હુમલો કર્યો હતો. આ હુમલામાં 10થી વધુ વાહનોને નુકસાન થયું, માલઢોરને હાનિ પહોંચી, અને સીસીટીવી કેમેરા પણ તોડી નાખવામાં આવ્યા.

 ભોગ બનનાર પરિવારે સુરક્ષા અને ન્યાયની માંગ 

આ ઘટનાએ ફિલ્મી દ્રશ્યો જેવું વાતાવરણ સર્જ્યું હતું, અને સ્થાનિક વિસ્તારમાં તંગદિલી ફેલાઈ.પોલીસે ઝડપથી કાર્યવાહી કરી હતી. મળતા અહેવાલ પ્રમાણે આ ઘટનામાં  23 જેટલા કિન્નરોની અટકાયત કરી, અને કાયદો-વ્યવસ્થા જાળવવા બંદોબસ્ત ગોઠવ્યો.ભોગ બનનાર પરિવારે સુરક્ષા અને ન્યાયની માંગ સાથે ડીઆઈજી સમક્ષ રજૂઆત કરી. ઘટનાએ સ્થાનિક સમુદાયમાં ચર્ચા અને ચિંતા ઉભી કરી છે,