VIDEO:ANDARNI VAAT/'બેસ્ટ' કર્મચારીઓની હડતાળ બીજા દિવસે પણ યથાવત!

મહારાષ્ટ્રની આર્થિક રાજધાની મુંબઈની જીવાદોરી સમાન ગણાતી બેસ્ટ બસ સેવાના કર્મચારીઓની હડતાળ બીજા દિવસે પણ ચાલુ રહેતાં સમગ્ર મહાનગરમાં પરિવહન વ્યવસ્થા સંપૂર્ણપણે ખોરવાઈ હતી.. કર્મચારી સંગઠનો દ્વારા પોતાની પડતર માંગણીઓ, વેતન વધારો અને કામકાજની સ્થિતિમાં સુધારા મુદ્દે પ્રશાસન સામે આકરૂ વલણ અપનાવવામાં આવ્યું છે, જેના કારણે હજારો બસો ડેપોમાં જ થંભી ગઈ છે. મુંબઈના વિવિધ પ્રમુખ બસ સ્ટોપ અને ટર્મિનસ પર વહેલી સવારથી જ મુસાફરોની ભારે ભીડ જોવા મળી રહી છે. લોકલ ટ્રેનો બાદ મુંબઈકર્સ માટે મુસાફરીનો સૌથી મોટો અને સસ્તો સવારો ગણાતી આ બસ સેવા બંધ થતાં લાખો દૈનિક પ્રવાસીઓ, નોકરિયાતો અને શાળા-કોલેજે જતા વિદ્યાર્થીઓને ભારે હાલાકીનો સામનો કરવો પડી રહ્યો છે.

આ પ્રચંડ પરિવહન કટોકટી વચ્ચે રેલવે સ્ટેશનો અને ઓટો-ટેક્સી સ્ટેન્ડ પર લોકોની કીડિયારું ઉભરાયું હોય તેવી લાંબી કતારો દ્રશ્યમાન થઈ રહી છે. બસો બંધ હોવાનો ગેરલાભ ઉઠાવીને ખાનગી વાહનચાલકો અને ટેક્સી ચાલકો દ્વારા મુસાફરો પાસેથી બેફામ ભાડું વસૂલવામાં આવી રહ્યું હોવાની ફરિયાદો પણ વ્યાપક બની છે. સામાન્ય જનતા ખૂબ જ લાચારી અનુભવી રહી છે અને વહીવટી તંત્ર તેમજ હડતાળ પર ઉતરેલા કર્મચારીઓ વચ્ચે વહેલી તકે સુખદ સમાધાન થાય તેવી આશા રાખી રહી છે. જો આ ગતિરોધ વહેલી તકે ઉકેલવામાં નહીં આવે, તો મુંબઈનું જનજીવન વધુ મુશ્કેલીમાં મુકાશે. આ પરિસ્થિતિ મહાનગરના જાહેર પરિવહન માળખાની સંવેદનશીલતા અને સચોટ વૈકલ્પિક વ્યવસ્થાઓના અભાવને ઉજાગર કરે છે.

બ્યૂરો રિપોર્ટ જીએસટીવી