VIDEO: ANDARNI VAAT / દ્રઢ મનોબળ અને ભક્તિની મિશાલ: બંને પગ ગુમાવ્યા છતાં જ્યોતિની અવિરત માતા મછેલ યાત્રા!

દ્રઢ મનોબળ અને અડગ શ્રદ્ધા આગળ શારીરિક ખોડખાંપણ પણ નાની સાબિત થાય છે, તેનો સચોટ દાખલો નંદગામના રહીશ જ્યોતિ પૂરો પાડી રહ્યા છે. વર્ષ ૨૦૧૫માં એક ટ્રેન અકસ્માતમાં પોતાના બંને પગ ગુમાવ્યા હોવા છતાં, જ્યોતિએ પોતાની હિમ્મત હારી નથી અને તેઓ છેલ્લા આઠ વર્ષથી સતત માતા મછેલની પવિત્ર યાત્રા કરી રહ્યા છે. વર્ષ ૨૦૧૮થી પોતાની આ શ્રદ્ધાપૂર્વકની યાત્રાની શરૂઆત કરનાર જ્યોતિએ સાયકલ દ્વારા ૮૪ કોસની કઠિન પરિક્રમા પણ પૂર્ણ કરી છે. આ વાર્ષિક ધાર્મિક પ્રવાસ દરમિયાન તેમની સાથે તેમનાં માતા તેમજ પરિવારના સભ્યો જેવા બે અનોખા અબોલ જીવ બજરંગી નામનો વાંદરો અને એક પાલતુ સ્વાન પણ હોય છે.. માતા વિનાના અનાથ વાંદરાના બચ્ચાને દત્તક લઈને જ્યોતિએ માનવતા અને પ્રાણીપ્રેમનું પણ ઉત્તમ ઉદાહરણ પૂરું પાડ્યું છે.

જ્યોતિ દર વર્ષે નિયમિતપણે માતા મછેલ અને બાબા અમરનાથના દર્શનાર્થે જાય છે અને પોતાની ભક્તિનો પરિચય આપે છે. જીવનનિર્વાહ માટે તેઓ ભગવાન કાન્હાજીના વસ્ત્રો તથા કંઠી માળા વેચીને સ્વાભિમાન પૂર્વક પોતાના પરિવારનું ભરણપોષણ કરે છે. જ્યોતિ સમાજના નાગરિકોને સંદેશ આપતાં જણાવે છે કે, મુશ્કેલ પરિસ્થિતિઓમાં પણ ક્યારેય આશા છોડવી જોઈએ નહીં કે કોઈની પાસે હાથ ફેલાવવો જોઈએ નહીં. દરેક વ્યક્તિએ સન્માનપૂર્વક મહેનત કરીને પોતાની રોજીરોટી કમાવવી જોઈએ, વ્યસનોથી દૂર રહેવું જોઈએ અને પોતાના પરિવારની યોગ્ય કાળજી લેવી જોઈએ. શારીરિક પડકારોને માત આપીને માતા રાનીના ધામ સુધી પહોંચવાની તેમની આ અવિરત સફર લાખો શ્રદ્ધાળુઓ માટે પ્રેરણાસ્રોત બની છે.

બ્યૂરો રિપોર્ટ જીએસટીવી