VIDEO: આમળા-ગઢુલા વચ્ચેનો માર્ગ ધોવાયો

ભાવગરના ​તળાજા પંથકમાં પડેલા ભારે વરસાદના કારણે આમળા અને ગઢુલા વચ્ચેનો મુખ્ય રસ્તો બિસ્માર બન્યો છે.. જેથી વાહનચાલકો ભારે હાલાકીનો સામનો કરી રહ્યા છે. આ માર્ગ આજુબાજુના ગ્રામ્ય વિસ્તારો માટે ખૂબ જ મહત્વનો અને શોર્ટકટ રસ્તો માનવામાં આવે છે. આ રસ્તા પરથી આમળા થઈને છેક ગોપનાથ બીચ સુધી જઈ શકાય છે, તેમજ ગોપનાથ, ગઢુલા, પીથલપુર, નીચડી, ખંઢેરા, તળાજા અને સંતરપુર જેવા અનેક ગામોના લોકો સતત આ માર્ગનો ઉપયોગ કરે છે. ભારે વરસાદને પગલે રસ્તો ધોવાઈ જતાં વાહનવ્યવહાર ખોરવાયો છે અને સ્થાનિક લોકોને લાંબો ફેરો ફરવાની ફરજ પડી રહી છે, જેથી તંત્ર આ માર્ગનું તાત્કાલિક સમારકામ કરાવે તેવી લોકમાંગ ઉઠી છે.