VIDEO / સુરેન્દ્રનગરના યુવકને મળ્યો “કોક્રોજ જનતા પાર્ટી”નો ટ્રેડમાર્ક

સોશિયલ મીડિયા પર હાલમાં ભારે ચર્ચામાં રહેલી 'કોક્રોજ જનતા પાર્ટી'ને લઈને એક રસપ્રદ સમાચાર સામે આવ્યા છે. સુરેન્દ્રનગરના એક યુવકે આ ટ્રેન્ડિંગ નામનો કાયદેસરનો ટ્રેડમાર્ક પોતાના નામે કરી લીધો છે. મળતી માહિતી મુજબ, સુરેન્દ્રનગરના અઝીમ જામ નામના યુવકે ટ્રેડમાર્ક વિભાગમાં આ નામ માટે ઓનલાઈન અરજી કરી હતી. જેની પ્રક્રિયા પૂર્ણ થયા બાદ, હવે અઝીમને સત્તાવાર રીતે 'કોક્રોજ જનતા પાર્ટી'નો ટ્રેડમાર્ક આપવામાં આવ્યો છે. આ સાથે જ આ યુવક કાયદેસર રીતે આ ટ્રેન્ડિંગ નામનો માલિક બની ગયો છે.