Game Changer Trailer / રામ ચરણના ફેન્સની આતુરતાનો અંત! રિલીઝ થયું 'ગેમ ચેન્જર'નું ધમાકેદાર ટ્રેલર

રામ ચરણના ફેન્સ માટે એ ક્ષણ આવી ગઈ છે જેની તેઓ લાંબા સમયથી રાહ જોઈ રહ્યા હતા. તેની ફિલ્મ 'ગેમ ચેન્જર'નું ટ્રેલર રિલીઝ થઈ ગયું છે. ગુરુવારે, મેકર્સે ફિલ્મનું ટ્રેલર લોન્ચ કર્યું, જેમાં રામ ચરણનો એક્શન અવતાર જોવા મળી રહ્યો છે. આ પહેલા ફિલ્મનું ટીઝર પણ રિલીઝ કરવામાં આવ્યું હતું, તેમાં રામ ચરણ એક્શન કરતો જોવા મળ્યો હતો.

આ પણ વાંચો: 'સ્ક્વિડ ગેમ'ના મેકર્સે નવા વર્ષ પર આપી સરપ્રાઈઝ, ત્રીજી સીઝન સાથે જાહેર કર્યું પોસ્ટ ક્રેડિટ સીનનું રહસ્ય

આ ફિલ્મને એસ. શંકરે ડાયરેક્ટ કરી છે અને દિલ રાજુ તેના પ્રોડ્યુસર છે. શરૂઆતમાં આ ફિલ્મ ડિસેમ્બર 2024માં રિલીઝ થવાની હતી, પરંતુ બાદમાં તેને મોકૂફ રાખવામાં આવી હતી. હવે આ ફિલ્મ 10 જાન્યુઆરી 2025ના રોજ થિયેટરમાં રિલીઝ થશે. 

'ગેમ ચેન્જર'ના ટ્રેલરમાં રામ ચરણનો ડબલ રોલ

આ ટ્રેલરમાં રામ ચરણ બે અલગ-અલગ પાત્રોમાં જોવા મળે છે. તેનું એક પાત્ર નેતાનું છે, જ્યારે બીજું પાત્ર IPS ઓફિસરનું છે. ટ્રેલરમાં રામ ચરણ જબરદસ્ત એક્શન કરતો જોવા મળે છે, જે તેના ફેન્સ માટે કોઈ ટ્રીટથી ઓછું નથી. કિયારા અડવાણી પણ ટ્રેલરમાં જોવા મળી છે, પરંતુ તેનું પાત્ર કેવું હશે, તે હાલમાં ટ્રેલર પરથી સ્પષ્ટ નથી.

ત્રણ વર્ષ પછી રામ ચરણની વાપસી

રામ ચરણ ત્રણ વર્ષ બાદ પોતાની નવી ફિલ્મ સાથે વાપસી કરી રહ્યા છે. તેની અગાઉની ફિલ્મ 'RRR' હતી, જે 2022માં રિલીઝ થઈ હતી, અને તે જ વર્ષે તેણે ફિલ્મ 'આચાર્ય'માં પણ કેમિયો કર્યો હતો, જેમાં તેના પિતા ચિરંજીવી મુખ્ય ભૂમિકામાં હતા. હવે, 'ગેમ ચેન્જર' દ્વારા, રામ ચરણ ફરીથી સ્ક્રીન પર પોતાની એક્ટિંગનો જાદુ બતાવવા માટે તૈયાર છે.

કિયારા અડવાણી સાઉથની ફિલ્મોમાં પરત ફરી 

કિયારા અડવાણીની વાત કરીએ તો, તે છેલ્લે 2023માં રિલીઝ થયેલી 'સત્યપ્રેમ કી કથા'માં જોવા મળી હતી. આ ફિલ્મમાં તેની સામે કાર્તિક આર્યન હતો. કિયારા લાંબા સમય બાદ સાઉથ ફિલ્મ ઈન્ડસ્ટ્રીમાં કમબેક કરી રહી છે. રામ ચરણ સાથે તેની જોડી 2019માં રિલીઝ થયેલી ફિલ્મ 'વિનય વિદ્યા રામ'માં જોવા મળી ચૂકી છે.