VIDEO: જમ્મુ-કાશ્મીરના મોટું એન્ટી-ટેરર સર્ચ ઓપરેશન ઓપરેશન શેરુવાલી

જમ્મુ-કાશ્મીરના રાજૌરી જિલ્લાના ગંભીર મુગલાન અને ડોરીમાલ વન વિસ્તારમાં સુરક્ષા દળો દ્વારા ચલાવવામાં આવી રહેલું મોટું એન્ટી-ટેરર સર્ચ ઓપરેશન ઓપરેશન શેરુવાલી સતત સાતમા દિવસે પણ ચાલુ છે. ગુપ્ત માહિતીના આધારે ભારતીય સેના જમ્મુ-કાશ્મીર પોલીસ અને સીઆરપીએફ દ્વારા સંયુક્ત રીતે આ ઓપરેશન શરૂ કરવામાં આવ્યું હતું. ગીચ જંગલો અને પહાડી વિસ્તારોનો લાભ લઈને સંતાયેલા આતંકવાદીઓને શોધવા માટે સુરક્ષા દળો અત્યાધુનિક ડ્રોન હેલિકોપ્ટર અને સ્નિફર ડોગ્સની મદદ લઈ રહ્યા છે. ઓપરેશન દરમિયાન સુરક્ષા દળો અને આતંકવાદીઓ વચ્ચે ભારે ગોળીબાર પણ થયો છે. આતંકીઓ નાસી ન છૂટે તે માટે સમગ્ર વિસ્તારને કિલ્લામાં ફેરવી દેવામાં આવ્યો છે અને વધારાના સૈનિકો તૈનાત કરવામાં આવ્યા છે. આતંકવાદીઓની સંભવિત હિલચાલને રોકવા માટે સુરક્ષા એજન્સીઓએ આસપાસના તમામ રસ્તાઓ પર કડક નાકાબંધી કરી દીધી છે. વિસ્તારમાંથી પસાર થતા તમામ નાના-મોટા વાહનોનું સઘન ચેકિંગ કરવામાં આવી રહ્યું છે. શંકાસ્પદ લોકો અને મુસાફરોના ઓળખપત્રો ચકાસીને તેમની કડક પૂછપરછ કરવામાં આવી રહી છે. સ્થાનિક નાગરિકો પણ સુરક્ષા દળોને આ કામગીરીમાં સહકાર આપી રહ્યા છે અને ટૂંક સમયમાં સ્થિતિ સામાન્ય બને તેવી આશા વ્યક્ત કરી રહ્યા છે.GST