NEWS 20 - 20: ગ્રામીણ શિક્ષણમાં ક્રાંતિ સર્જાઈ, ભીંત-આધારિત ભણતરનો અદ્દભૂત પ્રયોગ

પશ્ચિમ બંગાળના આસનસોલના નાનો જામડોબા ગામની દીવાલો બ્લેકબોર્ડ બની છે. પશ્ચિમ બંગાળના આસનસોલમાં દીપ નારાયણની અનોખી પહેલ ટીચર ઓફ ધ સ્ટ્રીટ્સ દ્વારા ગ્રામીણ શિક્ષણમાં ક્રાંતિ સર્જાઈ રહી છે. ભીંત-આધારિત ભણતરના આ અદ્દભૂત પ્રયોગ પર જુઓ વિશેષ અહેવાલ.

પશ્ચિમ બંગાળના આસનસોલના નાનો જામડોબા ગામમાં શિક્ષણવિદ દીપ નારાયણ દ્વારા ટીચર ઓફ ધ સ્ટ્રીટ્સ નામની અનોખી પહેલ શરૂ કરવામાં આવી છે. ગ્રામીણ વિસ્તારોમાં શિક્ષણનો વ્યાપ વધારવા માટે તેમણે ગામની દીવાલોને જ બ્લેકબોર્ડમાં ફેરવી દીધી છે. આ પદ્ધતિ દ્વારા બાળકો ખુલ્લા આકાશ નીચે ભીંત-આધારિત શિક્ષણ મેળવી રહ્યા છે. આ અભિગમે અંતરિયાળ ગામડાઓમાં શિક્ષણ પ્રત્યે નવી ચેતના જગાડી છે અને બાળકોમાં ભણતર પ્રત્યે ભારે ઉત્સાહ જોવા મળી રહ્યો છે.

આ પહેલ માત્ર અક્ષરજ્ઞાન પૂરતી મર્યાદિત નથી, પરંતુ તેમાં સામુદાયિક જોડાણ પર પણ વિશેષ ભાર મૂકવામાં આવ્યો છે. દીવાલો પરના ચિત્રો અને પાઠો દ્વારા રમત-ગમત સાથે ભણતર આપવાની આ શૈલીએ શિક્ષણ ક્ષેત્રે એક નવો માર્ગ પ્રશસ્ત કર્યો છે. આ પરિવર્તનકારી અભિયાનની ચોમેર પ્રશંસા થઈ રહી છે.