VIDEO: અમદાવાદ કલેકટર કચેરી ખાતે લગાવ્યા નવા બોર્ડ

કલેક્ટર કચેરી ખાતે દિવ્યાંગ લોકોની સુવિધા માટે નવી પહેલ હાથ ધરવામાં આવી છે. કચેરીની દરેક ઓફિસ બહાર અધિકારીઓના હોદ્દા દર્શાવતા નવા PVC બોર્ડ લગાવવામાં આવ્યા છે. આ બોર્ડમાં બ્રેઈલ લિપિનો પણ ઉપયોગ કરવામાં આવ્યો છે, જેથી દ્રષ્ટિહીન દિવ્યાંગ લોકો પોતાની જરૂરિયાત મુજબ સંબંધિત ઓફિસ સરળતાથી ઓળખી શકે. દિવ્યાંગ નાગરિકોને કચેરીમાં કોઈ મુશ્કેલી ન પડે અને તેઓ આત્મનિર્ભર રીતે સેવાઓ મેળવી શકે તે હેતુથી આ આયોજન કરવામાં આવ્યું છે. કલેક્ટર કચેરી ખાતે બ્રેઈલ લિપિવાળા આ પ્રકારના બોર્ડ પ્રથમ વખત લગાવવામાં આવ્યા છે. આ પહેલને દિવ્યાંગલક્ષી સુવિધા તરીકે આવકારવામાં આવી રહી છે.