VIDEO / VALSAD: ભાજપમાં દાવેદારી કરવા ગયેલા ઉમેદવારોના નામ મતદાર યાદીમાંથી જ ગાયબ! જાણો શું છે સમગ્ર મામલો

વલસાડના ઉમરગામમાં સરકારી તંત્રની બેદરકારીને કારણે દેહરી તાલુકા પંચાયત બેઠકના ૧૫૦૦ મતદારોના નામ અન્ય ગામમાં ટ્રાન્સફર થઈ જતાં હોબાળો મચ્યો છે. ભાજપમાં દાવેદારી કરવા ગયેલા ઉમેદવારોને ત્યારે આંચકો લાગ્યો જ્યારે મતદાર યાદીમાંથી તેમના નામ જ ગાયબ હતા. આ છબરડાને કારણે દાવેદારી જોખમમાં મુકાતા દેહરીના સરપંચ અને ગ્રામજનોએ મામલતદારને રજૂઆત કરી છે. જો સમયસર સુધારો નહીં થાય, તો સોળસુંબા જિલ્લા પંચાયત અને દેહરી બેઠકના ચૂંટણી પરિણામો પર મોટી અસર પડવાની શક્યતા છે. હાલ તંત્ર ભૂલ સુધારવા કવાયત કરી રહ્યું છે.