VIDEO: ખાંભા તાલુકાના રાયડી ગામે શેરીઓમાં રખડતા જોવા મળ્યા સિંહ

અમરેલી જિલ્લામાં સિંહોની વધતી વસ્તીએ ચિંતાજનક સ્થિતિ સર્જી છે. તાજેતરમાં ખાંભા તાલુકાના રાયડી ગામમાં 4 સિંહો શિકારની શોધમાં પ્રવેશ્યા હતા. સીસીટીવી કેમેરામાં કેદ થયેલી ઘટનામાં સિંહો ગામની શેરીઓમાં ફરતા જોવા મળ્યા હતા.

રાયડી ગામમાં આ ત્રીજી વખત સિંહોના પ્રવેશની ઘટના બની છે. સિંહોને જોઈને પશુઓ દૂર ભાગી જતાં તેમને શિકાર મળ્યો ન હતો. સુમસામ બજારોમાં સિંહોએ લટાર મારી હતી. આ ઘટનાના વીડિયો સોશિયલ મીડિયા પર વાયરલ થયા છે. એક દિવસ પહેલા રાજુલાના કોવાયા ગામમાં પણ એક સિંહ રહેણાંક વિસ્તારમાં ઘૂસી ગયો હતો. રાત્રે બનેલી આ ઘટનામાં સ્થાનિક લોકોએ સિંહને દૂર ખસેડ્યો હતો