VIDEO: અમદાવાદના દરિયાપુરમાં ભારે વરસાદથી મકાન ધરાશાઈ, વૃદ્ધ મહિલાનું મોત

અમદાવાદના દરિયાપુર વિસ્તારમાં આવેલા ડગરવાડના મન્સૂરી મોહલ્લામાં ભારે વરસાદના કારણે જર્જરીત હાલતમાં એક મકાન મોડી રાત્રે અચાનક ધરાશાઈ થઈ ગયું હતું. આ દુર્ઘટનાની જાણ થતાં જ ફાયર વિભાગની ટીમ તાત્કાલિક ઘટનાસ્થળે પહોંચી હતી અને રેસ્ક્યુ ઓપરેશન હાથ ધરી બે લોકોને બહાર કાઢ્યા હતા. જોકે, આ સમગ્ર ઘટનામાં એક વૃદ્ધ મહિલાનું કરૂણ મોત નીપજ્યું છે, જ્યારે અન્ય એક વ્યક્તિને ગંભીર ઇજાઓ પહોંચતા તેમને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે.