VIDEO: સસ્તા સોનાની લાલચ આપી છેતરપિંડી કરતી ગેંગ ઝડપાઈ

ભુજમાં સસ્તું સોનું આપવાની લાલચ આપી છેતરપિંડીનો પ્રયાસ કરતી ગેંગને પશ્ચિમ કચ્છ LCBએ ઝડપી પાડી છે. આરોપીઓએ ઈન્સ્ટાગ્રામ પર માઘવ-571 નામે નકલી ID બનાવી સસ્તા સોનાના બિસ્કિટ આપવાની લોભામણી જાહેરાતો પોસ્ટ કરી હતી અને સોનાના બિસ્કિટના ફોટા-વીડિયો સોશિયલ મીડિયામાં વાયરલ કર્યા હતા. પોલીસે સુલતાન કુંભાર, બસીર કાતીયર, સાજીદ કુંભાર, અસગર કાતીયર અને ફહીમ સોઢાની ધરપકડ કરી છે. પોલીસે કુલ ₹1.62 કરોડથી વધુનો મુદ્દામાલ જપ્ત કર્યો છે, જેમાં એક કિલો વજનના 10 અસલી અને 15 નકલી સોનાના બિસ્કિટનો સમાવેશ થાય છે. ઉપરાંત ક્રેટા કાર, ત્રણ ટુ-વ્હીલર અને 9 મોબાઈલ ફોન પણ કબજે કરાયા છે.