VIDEO: મહારાષ્ટ્રના બુલઢાણામાં ટ્રિપલ અકસ્માતમાં 5ના મોત, 24થી વધુ ઈજાગ્રસ્ત

મહારાષ્ટ્રના બુલઢાણા જિલ્લાના શેગાંવ ખામગાંવ હાઈવે પર  ભયંકર ટ્રિપલ અકસ્માત સર્જાયો છે. આ દુર્ઘટનામાં ઘટનાસ્થળે જ  5 જેટલાં લોકોને કાળ ભરખી ગયો હતો.

કેવી રીતે સર્જાયો અકસ્માત? 

મળતી માહિતી અનુસાર એક ખાનગી બસ, એક એસ.ટી. બસ અને બોલેરો વચ્ચે આ ભીષણ અકસ્માત સર્જાયો હતો. વહેલી સવારે પૂરપાટ ગતિએ દોડતી બોલેરો કાર એસ.ટી.બસ સાથે અથડાઈ હતી. જેના લીધે પાછળ આવતી ખાનગી બસ પણ અકસ્માતનો ભોગ બની હતી. ભયાનક અકસ્માતમાં 5 લોકો ઘટનાસ્થળે જ મોતને ભેટ્યા હતા. આ દુર્ઘટનામાં  24 લોકો ઈજાગ્રસ્ત થઈ ગયા છે.