VIDEO: ધોરાજીમાં સફુરા નદી પરનો કોઝવે ઊંચો બનાવવાની માંગ ઉગ્ર: કોંગ્રેસના આંદોલનની ચીમકી સામે ભાજપ દ્વારા દરખાસ્ત મોકલાયાનો દાવો

ધોરાજીમાં સફુરા નદી પરનો બિસ્માર કોઝવે ચોમાસામાં પાણીમાં ગરકાવ થવાથી ખેડૂતો અને શ્રદ્ધાળુઓને ભારે હાલાકી પડે છે. લાંબા સમયથી ચાલી આવતી આ સમસ્યાને લઈને કોંગ્રેસે ઉગ્ર જન આંદોલનની ચીમકી ઉચ્ચારી છે, જ્યારે ભાજપે આક્ષેપો ફગાવતા કોઝવે અને સિમેન્ટ રોડ માટે સબંધિત વિભાગમાં દરખાસ્ત મોકલી આપી હોવાનું જણાવ્યું છે. સ્થાનિકો લાંબા સમયથી આ કોઝવેને ઊંચો બનાવવાની માંગ કરી રહ્યા છે, જેથી ચોમાસા દરમિયાન અવરજવર સરળ બની શકે.