VIDEO: પપ્પુ યાદવની પ્રેસ કોન્ફરન્સમાં ચાકુ સાથે યુવકે હુમલો કર્યો હોવાનો દાવો

પૂર્ણિયાના સાંસદ પપ્પુ યાદવ દિલ્હીમાં પોતાના નિવાસસ્થાને પ્રેસ કોન્ફરન્સ દરમિયાન ચાકુ સાથે એક યુવક પહોંચ્યાનો દાવો કર્યો છે. પપ્પુ યાદવે આ ઘટનાને પોતાની હત્યાના ષડયંત્ર સાથે જોડતા કહ્યું કે તેઓ કોઈપણ ધમકીથી ડરવાના નથી. ઘટનાસ્થળે હાજર સમર્થકોએ શંકાસ્પદ યુવકને પકડી લીધો અને બાદમાં તેને પોલીસને સોંપી દેવાયો હતો. આ ઘટના એવા સમયે બની છે જ્યારે રામ મંદિર દાન મુદ્દે કરાયેલા તેમના વિરોધ પ્રદર્શનને લઈને તેઓ પહેલેથી જ ચર્ચામાં છે અને તેમના વિરુદ્ધ એફઆઈઆર પણ નોંધાઈ છે. પોલીસે સમગ્ર મામલે તપાસ શરૂ કરી છે અને ઘટનાની હકીકતો ચકાસી રહી છે.