VIDEO: ગાંધીનગર મનપાની ચૂંટણી માટે ભાજપે ઉમેદવારો કર્યાં જાહેર, કોંગ્રેસમાંથી આવેલા અંકિત બારોટને આપી ટીકિટ

ગાંધીનગર મ્યુનિસિપલ કોર્પોરેશન ની આગામી ચૂંટણીને લઈને ભારતીય જનતા પાર્ટીએ પોતાના ઉમેદવારોની યાદી જાહેર કરી દીધી છે. ભાજપ દ્વારા આઠ અલગ-અલગ વોર્ડ માટે ઉમેદવારોના નામોની પ્રદેશ કક્ષાએથી જાહેરાત કરવામાં આવી છે. જેમાં વોર્ડ નંબર ત્રણમાં કોંગ્રેસમાંથી ભાજપમાં જોડાયેલા અંકિત બારોટ પર પક્ષે ભરોસો મૂકીને તેમને ટિકિટ આપી છે. આ સિવાય ભાજપના અગ્રણી આગેવાનો શિલ્પાબેન ઠાકોર, મહેશકુમાર ચૌધરી, ગૌરાંગ પટેલ, કિંજલબેન ઠાકોર અને સેજલબેન પરમારને પણ ચૂંટણી લડવાની તક આપવામાં આવી છે. ભાજપે ઉમેદવારો જાહેર કરતાં જ પાર્ટી અને ઉમેદવારો ઈલેક્શન મોડમાં આવી ગયા છે.