VIDEO: દૂષિત પાણીના મુદ્દે ધોળકા બંધનું એલાન

અમદાવાદ જિલ્લાના ધોળકા તાલુકાના પાંચ ગામોમાં દૂષિત અને કેમિકલયુક્ત પાણીના નિકાલ સામે ખેડૂતોનું આંદોલન ચાલી રહ્યું છે. ભેટાવાડા ગામે છેલ્લા 25 દિવસથી ચાલી રહેલા આંદોલનને સમર્થન આપવા વડગામના ધારાસભ્ય જિગ્નેશ મેવાણી પહોંચ્યા હતા. મેવાણીએ આગામી 24મીએ ‘ધોળકા બંધ’નું એલાન કરી પ્રાંત કચેરી સુધી વિશાળ રેલી કાઢવાની જાહેરાત કરી છે. તેમણે ભેટાવાડા, નેસડા, પાલડી, આંબારેલી અને ત્રાસદ ગામોમાં જનસંપર્ક કર્યો હતો. મેવાણીએ આક્ષેપ કર્યો કે કેમિકલયુક્ત પાણીને કારણે 10 હજાર એકર જમીન બરબાદ થઈ છે અને 54 લોકોના કેન્સરથી મોત થયા છે. જોકે, આ આંકડા અને આક્ષેપોની સ્વતંત્ર પુષ્ટિ થયેલી નથી.