VIDEO : કેરળના નવા મુખ્યમંત્રી તરીકે વી. ડી. સતીશનના નામની જાહેરાતથી કાર્યકરોમાં ભારે ઉત્સાહ

કોંગ્રેસ દ્વારા કેરળના આગામી મુખ્યમંત્રી તરીકે વી. ડી. સતીશનના નામની જાહેરાત કરવામાં આવતાની સાથે જ તિરુવનંતપુરમમાં તેમના સમર્થકોમાં ઉત્સાહ અને આનંદનો માહોલ છવાઈ ગયો છે. આ મહત્વના નિર્ણયને વધાવવા માટે વી. ડી. સતીશનના નિવાસસ્થાને અને કેરળના કોંગ્રેસ કાર્યાલય ખાતે કાર્યકરો તેમજ સમર્થકો દ્વારા ભવ્ય ઉજવણી શરૂ કરવામાં આવી છે. હાઈકમાન્ડ દ્વારા તેમના નામ પર મહોર મારવામાં આવતા જ પક્ષના નેતાઓ અને કાર્યકરોમાં નવો જોશ જોવા મળી રહ્યો છે. દસ દિવસની લાંબી રાહ અને વિચારણા બાદ મુખ્યમંત્રી તરીકેની જવાબદારી સોંપવામાં આવતા કોંગ્રેસના તમામ સ્તરે આ નિર્ણયને આવકારવામાં આવ્યો છે.