VIDEO: અમદાવાદના સેટેલાઈટમાં સ્કૂટર સળગાવી ભાગતી વખતે યુવકનું નીચે પટકાવાથી મોત.

અમદાવાદના સેટેલાઈટ વિસ્તારમાં આવેલા રુક્ષ્મણી વલ્લભ સોસાયટી ખાતે એક ચોંકાવનારી ઘટના સામે આવી છે, જ્યાં એક યુવકે કોઈ અકબંધ કારણોસર મહિલાના સ્કૂટર પર જ્વલનશીલ પદાર્થ છાંટીને તેને આગ ચાંપી દીધી હતી. સ્કૂટરને સળગાવીને તુરંત જ નાસી છૂટવાનો પ્રયાસ કરી રહેલા આ યુવકનું ભાગતી વખતે અચાનક નીચે પટકાઈ જવાથી ગંભીર ઈજાઓ થવાથી ઘટના સ્થળે જ કમકમાટીભર્યું મોત નીપજ્યું હતું. મૃતક યુવકની ઓળખ જુહાપુરાના રહેવાસી નીતિન ચૌહાણ તરીકે થઈ છે. આ બનાવની જાણ થતાં જ સેટેલાઈટ પોલીસ મથકનો કાફલો તાત્કાલિક ઘટના સ્થળે દોડી આવ્યો હતો અને ગુનો દાખલ કરીને યુવકે આ પગલું શા માટે ભર્યું તથા આગ લગાવવાનું અસલી કારણ શું હતું તે દિશામાં સઘન તપાસ શરૂ કરી છે.