VIDEO: લીલીયામાં દારૂબંધી અને ગેરકાયદે ખનન સામે લાલઆંખ

અમરેલી જિલ્લા પંચાયતના પૂર્વ સદસ્ય વિપુલ દુધાતે લીલીયા તાલુકામાં બેફામ ચાલતા દારૂના વેચાણ અને ગેરકાયદે રેતી ખનન અંગે મુખ્યમંત્રીને પત્ર પાઠવ્યો છે. ખનન માફિયાઓના વાહનો અને દારૂના કારણે છેલ્લા 5 વર્ષમાં 75થી 80 લોકોના મોત થયાનો આક્ષેપ કરાયો છે. આ દૂષણ સ્થાનિક પોલીસની રહેમનજર હેઠળ ચાલતું હોવાનો આરોપ લગાવી, ચાર મુખ્ય ચોકડીઓના સીસીટીવી ફૂટેજ તાત્કાલિક તપાસવાની માંગ કરાઈ છે.