VIDEO: સુરતના ભેસ્તાન મહાવીર ઇન્ડસ્ટ્રીયલ વિસ્તારમાં સોફા કારખાનામાં ફાટી નીકળી ભીષણ આગ

સુરતના ભેસ્તાન વિસ્તારમાં આવેલા મહાવીર ઇન્ડસ્ટ્રીયલ એરિયામાં સોફાના એક કારખાનામાં અચાનક ભીષણ આગ ફાટી નીકળતા આસપાસના વિસ્તારમાં ભારે અફરાતફરીનો માહોલ સર્જાયો હતો. ઘટનાની ગંભીરતાને ધ્યાનમાં રાખીને તાત્કાલિક પાંચથી છ ફાયર બ્રિગેડની ગાડીઓ ઘટનાસ્થળે દોડી આવી હતી અને યુદ્ધના ધોરણે આગ પર કાબૂ મેળવવાની સઘન કામગીરી હાથ ધરી હતી. સદનસીબે આ અકસ્માતમાં કોઈ જાનહાનિ થયાના અહેવાલ હજુ સુધી પ્રાપ્ત થયા નથી, પરંતુ આગ લાગવાનું ચોક્કસ કારણ અને તેનાથી થયેલા આર્થિક નુકસાનનું પ્રમાણ હજુ અકબંધ છે અને સત્તાવાર વિગતો સામે આવવાની હજુ રાહ જોવાઈ રહી છે