Us રાષ્ટ્રપતિ ટ્રમ્પે વેનેઝુએલાને અમેરિકાનું 51મું રાજ્ય ગણાવતો નક્શો પોસ્ટ કર્યો
છેલ્લું અપડેટ : 14 May 2026
અમેરિકન પ્રમુખ ડોનાલ્ડ ટ્રમ્પે મંગળવારે પોતાના સોશિયલ મીડિયા પ્લેટફોર્મ ટ્રુથ સોશ્યલ પર વેનેઝુએલાનો એક નકશો પોસ્ટ કર્યો. તેમા ગ્રાફિકની મદદથી વેનેઝુએલાની અંદર અમેરિકન ઝંડો બનાવાયો હતો. તેના પર ૫૧મું રાજ્ય લખ્યું હતું. આ પોસ્ટ એવા સમયે કરવામાં આવી છે, જ્યારે ટ્રમ્પ ચીનની મુલાકાતે જઈ રહ્યા હતા.ટ્રમ્પે આ પોસ્ટ વેનેઝુએલાના વચગાળાના પ્રમુખ ડેલ્સી રોડ્રિગ્ઝના નિવેદન પછી કરી છે. તેમા તેમણે જણાવ્યું હતું કે તેમના દેશે ક્યારે પણ ૫૧માં રાજ્ય બનવા અંગે વિચાર કર્યો નથી. અમેરિકન લશ્કરે જાન્યુઆરીમાં પ્રમુખ નિકોલસ માદુરોની ધરપકડ કરી તેના પછી પણ અમે આ વિચાર્યું નથી.
દક્ષિણ અમેરિકન દેશ વેનેઝુએલાને નવું રાજ્ય બનાવવા અંગે વિચારી રહ્યા છે
આ પહેલા ટ્રમ્પે જણાવ્યું હતું કે તેઓ દક્ષિણ અમેરિકન દેશ વેનેઝુએલાને નવું રાજ્ય બનાવવા અંગે વિચારી રહ્યા છે. આ વાત તેમણે મહિનાઓ સુધી આ વાતનો દાવો કર્યા બાદ જણાવી હતી કે તેલ સમૃદ્ધ દેશ પર તેમનું નિયંત્રણ છે.રોડ્રિગ્ઝે વેનેઝુએલાના પ્રમુખપદ સંભાળ્યા પછી અમેરિકા સાથેના સંબંધો સારા બનાવવાની દિશામાં કામ કર્યુ છે. તેમણે એવા સુધારા લાગુ કર્યા છે જેના હેઠળ વેનેઝુએલાએ માઇનિંગ અને ઓઇલ સેક્ટરને વિદેશી કંપનીઓ માટે ખોલી દીધું છે.
