US FDAએ હાનિકારક રસાયણોને કારણે ફિજી વોટર, એપલ જ્યુસ સહિત 28 સોડા અને જ્યુસ બજારમાંથી પાછા ખેંચ્યા

અમેરિકાના ફૂડ ડ્રગ એડમિનિસ્ટટર - US FDA એ આ વર્ષે લગભગ 30 જેટલા લોકપ્રિય પીણાં બજારમાંથી પાછા ખેંચ્યા છે, જેમાંથી મોટાભાગનામાં આર્સેનિક જેવા હાનિકારક રસાયણો જોવા મળ્યા છે, જે મૂત્રાશય અને ત્વચાના કેન્સરનું જોખમ વધારે છે. સમાચાર અહેવાલો અનુસાર, ચાર પીણાં બજારમાંથી પાછા ખેંચવામાં આવ્યા હતા કારણ કે તે પેસ્ટીસાઇડ્સ, બેક્ટેરિયા અથવા હાનિકારક રસાયણોથી ભરેલા હતા, બનાવનાર કંપનીએ તેનો ખુલાસો કર્યો ન હતો.

બજારમાંથી પાછા ખેંચવામાં આવેલા પીણાંમાં હિમાલયન પેઈન રિલીફ ટીનો પણ સમાવેશ થાય છે, US FDA અનુસાર તેના લેબલ પર એલર્જી વિરોધી દવાના ઘટકને જાહેર કરવામાં આવ્યા નથી.

આ યાદીમાં અન્ય પીણું માર્ટિનેલીનું એપલ જ્યુસ છે, જે આર્સેનિકની વધુ માત્રાની હાજરીને કારણે પાછું ખેંચવામાં  આવ્યું હતું.  આર્સેનિક એક ઝેરી ધાતુ છે, જે મૂત્રાશય અને ચામડીના કેન્સરનું જોખમ વધારી શકે છે. રિપોર્ટમાં એમ પણ કહેવામાં આવ્યું છે કે વિટી નેચરલ વોટર્સ લિમિટેડ દ્વારા ઉત્પાદિત ફિજી વોટરની લગભગ 1.9 મિલિયન બોટલો પાછી બોલાવવામાં આવી હતી કારણ કે તેમાં મેંગેનીઝ ઉપરાંત ત્રણ પ્રકારના બેક્ટેરિયા હોવાનું જાણવા મળ્યું હતું, જે વધુ માત્રામાં મગજને નુકસાન પહોંચાડી શકે છે.

આમાંના ઘણા પીણાઓમાં ફૂડ કલર પણ ઉમેરવામાં આવે છે, જે કેન્સરના જોખમ સાથે સંકળાયેલા છે. કંપનીએ જે રંગોનો ખુલાસો કર્યો નથી તેમાં Red40 અને Yello5નો સમાવેશ થાય છે, જે ડોકટરોનું કહેવું છે કે તેમાં બેન્ઝિડિન નામનું તત્વ હોય છે, જે મનુષ્ય અને પ્રાણીઓ બંને માટે કાર્સિનોજેનિક છે.

આ રસાયણો કેટલા હાનિકારક છે?

નિષ્ણાતોના મતે, પીણાંમાં રસાયણો હોય છે, જેમાંથી મોટાભાગના અઘોષિત સલ્ફાઇટ્સ અને પ્રિઝર્વેટિવ્સ હોય છે, જે નીચેનાનું કારણ બને છે:

• ત્વચાની એલર્જી
• પાચન સમસ્યાઓ
• સલ્ફાઇટ સંવેદનશીલતા ધરાવતા લોકોમાં અસ્થમા
• ફેફસાં, પાચન તંત્ર, લીવર, કિડની, લસિકાતંત્રનું કેન્સર

કેમિકલયુક્ત પીણાંની કેટલીક અન્ય આડઅસર નીચે મુજબ છે : 

વજનમાં વધારો, પેટની ચરબી વધે છે

આમાંના મોટા ભાગના પીણાઓમાં સુક્રોઝ અથવા ટેબલ સુગર (ખાંડ) પણ હોય છે નિષ્ણાતોના મતે, ફ્રુક્ટોઝ ભૂખના હોર્મોન ઘ્રેલિનને ઘટાડતું નથી અથવા ગ્લુકોઝની જેમ તૃપ્તિને ઉત્તેજિત કરતું નથી. અધ્યયન દર્શાવે છે કે જે લોકો આવા પીણાં પીતા હોય છે તેમનું વધુ વજન સતત વધે છે.

ફેટી લીવરની શક્યતા વધી જાય છે

આ પીણાંમાં મકાઈની ચાસણીની વધુ માત્રા તમારા શરીરમાં ચયાપચય થાય છે, જે તમારા યકૃતને અસર કરે છે અને ફ્રુક્ટોઝને ચરબીમાં રૂપાંતરિત કરે છે, જેનાથી ફેટી લીવરની શક્યતા વધી જાય છે.

લોહીમાં ઇન્સ્યુલિનનું સ્તર વધે છે

નિષ્ણાતોના મતે, ઇન્સ્યુલિન તમારા લોહીના પ્રવાહમાંથી ગ્લુકોઝને તમારા કોષોમાં ખસેડે છે. અને તેથી, જ્યારે તમે ખાંડયુક્ત પીણા પીવો છો, ત્યારે તમારા કોષો ઇન્સ્યુલિનની અસરો માટે ઓછા સંવેદનશીલ અથવા પ્રતિરોધક બને છે. જ્યારે આવું થાય છે, ત્યારે તમારા લોહીના પ્રવાહમાંથી ગ્લુકોઝ દૂર કરવા માટે તમારા સ્વાદુપિંડને વધુ ઇન્સ્યુલિન બનાવવું પડે છે - તેથી તમારા લોહીમાં ઇન્સ્યુલિનનું સ્તર વધે છે, જેના કારણે ઇન્સ્યુલિન પ્રતિકાર થાય છે.