ચોથા દિવસે ઈરાનના સૈન્ય ઠેકાણાઓ પર અમેરિકાની એરસ્ટ્રાઈક
છેલ્લું અપડેટ : 15 Jul 2026
અમેરિકી સેનાએ મંગળવારે રાત્રે સતત ચોથા દિવસે ઈરાનના અનેક સૈન્ય ઠેકાણાઓ પર એરસ્ટ્રાઈક કરી. આ સાથે જ ઈરાની બંદરોની દરિયાઈ નાકાબંધી પણ શરૂ કરી દીધી છે. અમેરિકાનું કહેવું છે કે આ કાર્યવાહી ઈરાન પર દબાણ વધારવા માટે કરવામાં આવી રહી છે. રાષ્ટ્રપતિ ડોનાલ્ડ ટ્રમ્પે ફોક્સ ન્યૂઝને આપેલા ઇન્ટરવ્યુમાં કહ્યું કે અમે મંગળવારે રાત્રે પણ હુમલો કરીશું, તેના પછીના દિવસે પણ કરીશું. આવતા અઠવાડિયે ઈરાનના વીજળીઘર અને પુલ પણ ટાર્ગેટ પર છે. જો સમજૂતી નહીં કરી ઈરાન સંપૂર્ણપણે નષ્ટ થઈ જશે..ટ્રમ્પે કહ્યું કે અમેરિકાના હુમલા ત્યાં સુધી ચાલુ રહેશે, જ્યાં સુધી ઈરાન વાતચીત માટે તૈયાર ન થઈ જાય. તેમણે એમ પણ કહ્યું કે જરૂર પડ્યે જમીની સૈન્ય અભિયાન પણ ચલાવી શકાય છે, જોકે આ માટે સહયોગી દેશોની મદદ લઈ શકાય છે. જો કે ટ્રમ્પે હોર્મુઝમાંથી પસાર થતા જહાજો પર 20% ટેક્સ લગાવવાનો પોતાનો નિર્ણય પાછો ખેંચી લીધો છે. તેમણે મિડલ ઈસ્ટના નેતાઓ સાથે વાતચીત કર્યા બાદ આ નિર્ણય લીધો.
