જાપાનના ટોક્યોમાં મોટી દુર્ઘટના ટળી, શાળાના ચોથા માળે આગ લાગતા; 300 બાળકો અને શિક્ષકોને સુરક્ષિત રીતે બહાર કઢાયા

જાપાનના ટોક્યોમાં શુક્રવારે એક પ્રાથમિક શાળામાં અચાનક ભીષણ આગ લાગી હતી. ચોથા માળે ફસાયેલા લગભગ 300 બાળકો અને શિક્ષકોને સુરક્ષિત રીતે બહાર કાઢવામાં આવ્યા હતા. આ ઘટના દરમિયાન કેટલાક બાળકો અને એક શિક્ષકને નાની ઈજાઓ થઈ હતી પરંતુ તેમને સફળતાપૂર્વક બચાવી લેવામાં આવ્યા હતા.

 

અધિકારીઓએ અહેવાલ આપ્યો છે કે મધ્ય ટોક્યોમાં સ્થિત એક પ્રાથમિક શાળામાં આગ લાગી હતી. ટોક્યો ફાયર ડિપાર્ટમેન્ટે જણાવ્યું હતું કે ચાર માળની 'ટાકિનોગાવા નંબર 3 પ્રાથમિક શાળા' ઇમારતના ઉપરના માળે સંગીત ખંડ પાસે શુક્રવારે મોડી સવારે આગ લાગી હતી.