વડાપ્રધાન નરેન્દ્ર મોદી પહોંચ્યાં ન્યુયોર્ક, એરપોર્ટ પર કરાયું ભવ્ય સ્વાગત

વડાપ્રધાન નરેન્દ્ર મોદી શનિવારે વિલ્મિંગ્ટનમાં ક્વાડ સમિટમાં ભાગ લીધા બાદ આજે ન્યૂયોર્ક પહોંચી ગયા છે. નિર્ધારિત કાર્યક્રમ મુજબ, PM મોદી આજે લોંગ આઇલેન્ડમાં નાસાઉ વેટરન્સ મેમોરિયલ કોલિઝિયમ ખાતે ભારતીય ડાયસ્પોરાને સંબોધિત કરશે.

X પર જુઓ

X પર જુઓ

ભારતીય ડાયસ્પોરાના સભ્યો ન્યૂયોર્કની હોટેલ લોટ્ટે પેલેસમાં વડાપ્રધાન નરેન્દ્ર મોદીના આગમનની આતુરતાથી રાહ જોઈ રહ્યા છે. ભારતીય સમુદાયના એક સભ્યએ કહ્યું, "હું ખૂબ જ ઉત્સાહિત છું... મને ખૂબ ગર્વ છે કે હું તેમને જોઈ શકીશ.

X પર જુઓ

હોટલમાં હાજર મરાઠી વિશ્વ પરિષદના મંદાર કેલકરે કહ્યું, "હું વડાપ્રધાન મોદીને મળવા આવ્યો છું અને તેમને મળવા માટે ખૂબ જ ઉત્સાહિત છું..."

X પર જુઓ

વડાપ્રધાન મોદી ન્યુયોર્કમાં સંયુક્ત રાષ્ટ્રમાં ફ્યુચર સમિટ (SOTF)માં પણ ભાગ લેશે. આ સાથે તેઓ કેટલીક મહત્વપૂર્ણ દ્વિપક્ષીય બેઠકો પણ કરશે. બોસ્ટનથી આવેલા હૈદરાબાદના ભારતીય ડાયસ્પોરાના સભ્ય નૌરીન સુલતાનાએ જણાવ્યું હતું કે, "હું અહીં એક ખાસ પ્રેઝન્ટેશન માટે છું. અમે વડાપ્રધાન મોદી સામે અમારી કળા રજૂ કરી રહ્યા છીએ. અમે ખુશ છીએ કારણ કે અમે અમેરિકામાં ભારતનું પ્રતિનિધિત્વ કરી રહ્યા છીએ, તે ચોથી પેઢીના કલાકાર તરીકે મારું કામ છે..."

વડાપ્રધાન નરેન્દ્ર મોદી ક્વાડ સમિટમાં ભાગ લીધા બાદ ફિલાડેલ્ફિયા એરપોર્ટથી ન્યૂયોર્ક જવા રવાના થયા હતા. જ્હોન એફ. કેનેડી ઈન્ટરનેશનલ એરપોર્ટ પર તેમનું ભવ્ય સ્વાગત કરવામાં આવ્યું હતું.