મુંબઈ આતંકવાદી હુમલાનો માસ્ટરમાઇન્ડ હાફિઝ સઈદ ગોળીબારમાં ઘાયલ :હોસ્પિટલમાં દાખલ

મુંબઈ આતંકવાદી હુમલાનો માસ્ટરમાઇન્ડ હાફિઝ સઈદ પાકિસ્તાનના ઝેલમમાં ગોળીબારમાં ઘાયલ થયો છે. તેણે સારવાર માટે રાવલપિંડીની આર્મી હોસ્પિટલમાં દાખલ કરવામાં આવ્યો છે. સઈદ પાકિસ્તાન આર્મી કોર્પ્સ કમાન્ડર મંગલા સાથે મુલાકાત કરીને પરત ફરી રહ્યો હતો. તેની સાથે તેનો ભત્રીજો અબુ કતલ પણ હતો. ગોળીબારમાં તેનું મોત થયું છે.  મીડિયામાં કેટલીક જગ્યાએ એવા સમાચાર આવ્યા હતા કે હાફિઝ સઈદ પણ અબુ કતલ સાથે માર્યો ગયો છે પરંતુ આ ખોટા સમાચાર હતા. હાફિઝ સઈદ હજુ પણ જીવિત છે. ગોળીબારમાં ઘાયલ થયો છે. હોસ્પિટલમાં તેની સારવાર ચાલી રહી છે. 

ભત્રીજા અબુ કતલની હત્યા કરવામાં આવી હતી.

ભારતના મોસ્ટ વોન્ટેડ આતંકવાદી હાફિઝ સઈદના ભત્રીજા નદીમ ઉર્ફે અબુ કતલનું શનિવારે રાત્રે પાકિસ્તાનના ઝેલમમાં મોત થયું હતું. અજાણ્યા હુમલાખોરોએ તેમની ગોળી મારીને હત્યા કરી દીધી હતી. કતલ જમ્મુ અને કાશ્મીરના રિયાસી આતંકવાદી હુમલાનો માસ્ટરમાઇન્ડ હતો. આ હુમલામાં 9 લોકો માર્યા ગયા હતા અને 41 લોકો ઘાયલ થયા હતા. રાજૌરી હુમલામાં અબુ કતલ પણ સામેલ હતો. 1 જાન્યુઆરી, 2023ના રોજ અહીં હુમલો થયો હતો.

અબુ કતલ NIAની મોસ્ટ વોન્ટેડ યાદીમાં હતો
અબુ કતલ જમાત ઉદ-દાવાનો ટોચનો કમાન્ડર હતો. આ હુમલામાં અબુ કતલના એક સાથીનું પણ મોત થયું હતું. અબુ કતલ જમ્મુ અને કાશ્મીરમાં અનેક હુમલાઓનું આયોજન કરવા માટે જાણીતો હતો અને તે આતંકવાદી સંગઠનનો મુખ્ય કાર્યકર્તા હતો. કતલ 26/11 મુંબઈ હુમલાના માસ્ટરમાઇન્ડ હાફિઝ સઈદનો નજીકનો સાથી હતો. તે ભારતની રાષ્ટ્રીય તપાસ એજન્સી (NIA) ની મોસ્ટ વોન્ટેડ યાદીમાં હતો.