VIDEO: રશિયાના કાળા સમુદ્રમાં ટેન્કર પર હુમલા બાદ ભીષણ આગ લાગી; ૨૩ ભારતીય ક્રૂ સભ્યોને બચાવી લેવાયા
છેલ્લું અપડેટ : 07 Oct 2026
કાળા સમુદ્રમાં એક માનવરહિત જહાજ દ્વારા કરવામાં આવેલા હુમલા બાદ લાઇબેરિયાના ધ્વજવાળા 'એફ્રામેક્સ' (Aframax) ટેન્કર 'રિયો'માં આગ લાગી હતી; ત્યારબાદ તાત્કાલિક બચાવ કામગીરી હાથ ધરવામાં આવી હતી અને તમામ ૨૩ ભારતીય ક્રૂ સભ્યોને સુરક્ષિત રીતે બચાવી લેવામાં આવ્યા હતા.
તમામ ક્રૂ સભ્યો ભારતીય નાગરિકો હતા
રશિયાના પરિવહન મંત્રાલયે આ માહિતી આપી હતી. ટેલિગ્રામ પર પોસ્ટ કરાયેલા એક અહેવાલમાં મંત્રાલયે જણાવ્યું હતું કે તમામ ક્રૂ સભ્યો ભારતીય નાગરિકો હતા અને કોઈને ઈજા થઈ હોવાના અહેવાલ નથી.સોશિયલ મીડિયા પર જાહેર કરાયેલા વીડિયોમાં મંગળવારે કાળા સમુદ્રમાં જહાજ આગની લપેટમાં જોવા મળે છે અને તેમાંથી ધુમાડાના ઘટ્ટ ગોટેગોટા આકાશમાં ઊંચે ચડતા દેખાય છે.
દરમિયાન, અગાઉના અહેવાલોમાં જણાવાયું હતું કે રશિયન ડ્રોને કાળા સમુદ્રમાં એક કાર્ગો જહાજને નિશાન બનાવ્યું હતું—જેના ક્રૂમાં ત્રણ ભારતીય નાગરિકોનો સમાવેશ થતો હતો.આ હુમલામાં જહાજના કેપ્ટનનું મૃત્યુ થયું હતું, જ્યારે એક ભારતીય ક્રૂ સભ્ય ઘાયલ થયા હોવાના અહેવાલ હતા. ત્યારબાદ રોમાનિયા સ્થિત ભારતીય દૂતાવાસે પુષ્ટિ કરી હતી કે ત્રણેય ભારતીય નાગરિકો સુરક્ષિત છે. હુમલા બાદ 'એમવી રોયાદ મમ્માદોવ' (MV Royad Mammadov) નામના કાર્ગો જહાજમાં ભીષણ આગ લાગી હતી અને જહાજ ડૂબી ગયું હતું.