રશિયાના રાષ્ટ્રપતિ વ્લાદિમીર પુતિને વડાપ્રધાન મોદીને શુભેચ્છાઓ પાઠવી, કહ્યું આંતરરાષ્ટ્રિય મંચ પર છે તમારો દબદબો
છેલ્લું અપડેટ : 17 Sept 2026
સોર્સ : gstv
વડાપ્રધાન નરેન્દ્ર મોદીને તેમના જન્મદિવસ નિમિત્તે રશિયા તરફથી અભિનંદન સંદેશ મળ્યો છે. રશિયાના રાષ્ટ્રપતિ વ્લાદિમીર પુતિને વડાપ્રધાન મોદીને શુભેચ્છાઓ પાઠવી હતી. ગુરુવારે (૧૭ સપ્ટેમ્બર) તેમણે નોંધ્યું હતું કે વડાપ્રધાન વૈશ્વિક મંચ પર મહત્વપૂર્ણ પ્રભાવ ધરાવે છે. પુતિને વડાપ્રધાનના ખૂબ વખાણ કર્યા અને ભારત તથા રશિયા વચ્ચેની મજબૂત ભાગીદારી પર ભાર મૂક્યો.
પુતિને કહ્યું, "તમે તમારા દેશવાસીઓમાં ખૂબ આદર ધરાવો છો અને વૈશ્વિક મંચ પર નોંધપાત્ર પ્રભાવ ધરાવો છો. ભારત અને રશિયા વચ્ચેની વ્યૂહાત્મક ભાગીદારીને મજબૂત બનાવવામાં તમારું યોગદાન શબ્દોમાં વર્ણવી શકાય તેમ નથી. ગયા અઠવાડિયે મારી નવી દિલ્હીની મુલાકાત દરમિયાન મને અને રશિયન પ્રતિનિધિમંડળને જે ઉત્તમ સ્વાગત અને આતિથ્ય મળ્યું, તે બદલ હું આભાર પણ વ્યક્ત કરવા માંગુ છું."
મિત્ર દેશો અંગે પુતિને શું કહ્યું
નવી દિલ્હીમાં યોજાયેલી બેઠકનો ઉલ્લેખ કરતા તેમણે કહ્યું, "અમે કરેલી ચર્ચાઓ અત્યંત મહત્વપૂર્ણ હતી અને તેના સકારાત્મક પરિણામો મળ્યા છે. હંમેશની જેમ, તમારી સાથે વાતચીત કરવી આનંદદાયક રહી અને અમારી વાતચીતે ફરી એકવાર તમારી રાજકીય સૂઝબૂઝ અને દૂરદર્શિતાને સાબિત કરી છે. અમે મિત્ર દેશો સાથેનો અમારો સહયોગ ચોક્કસપણે ચાલુ રાખીશું."
