ઇઝરાયલની એર સ્ટ્રાઈક, હમાસના બે બ્રિગેડ કમાન્ડરોને માર્યા ઠાર

ઇઝરાયલ ડિફેન્સ ફોર્સ (IDF) અને ઇઝરાયલ સિક્યુરિટી એજન્સી (ISA) એ સંયુક્ત લશ્કરી કાર્યવાહીમાં હમાસ કમાન્ડર મોહમ્મદ અલ-હબિલ અને ઇસ્લામિક જેહાદના અલી રાજિયાનાને ઠાર માર્યા. અલ-હબિલ પર ઇઝરાયલી કોર્પોરલ નોઆ માર્સિઆનોની કેદમાં ક્રૂરતાથી હત્યા કરવાનો આરોપ હતો. રાજિયાના ઉત્તરી ગાઝા બ્રિગેડમાં ઇસ્લામિક જેહાદના મુખ્ય કમાન્ડર હતા.

આ પણ વાંચો :

'હમાસ ચીફની હત્યાના થોડા કલાક અગાઉ જ હું તેમનો મળ્યો હતો', નીતિન ગડકરીનો ઘટસ્ફોટ

ઈઝરાયેલ ઈરાની હુમલા સહન કરવા સક્ષમ નથી, નેતન્યાહૂની અપીલ પર ટ્રમ્પે હુમલો માંડી વાળ્યો?

IDF અનુસાર, યુદ્ધવિરામ ઉલ્લંઘનના જવાબમાં હવાઈ હુમલો કરવામાં આવ્યો હતો. 7 ઓક્ટોબરના હુમલા દરમિયાન નોઆ માર્સિઆનોનું નાહલ ઓઝ પોસ્ટ પરથી અપહરણ કરવામાં આવ્યું હતું. તેણી ઇઝરાયલી સેનામાં નિરીક્ષક તરીકે તૈનાત હતી. કેદમાં તેણીની હત્યાના સમાચારથી ઇઝરાયલમાં વ્યાપક આક્રોશ ફેલાયો હતો.

આ કાર્યવાહીથી માર્સિઆનો પરિવારને ન્યાય મળ્યો- ઈઝરાયલ સેના

ઇઝરાયલી સૈન્યએ સોશિયલ મીડિયા દ્વારા "નાબૂદી" ની પુષ્ટિ કરતા કહ્યું કે આ કાર્યવાહીથી માર્સિઆનો પરિવારને ન્યાય મળ્યો. ઇઝરાયલે સ્પષ્ટતા કરી છે કે તે તેના નાગરિકો અને સૈનિકો સામે હિંસા કરનારાઓને છોડશે નહીં. IDF અનુસાર, હવાઈ હુમલામાં એવા આતંકવાદીઓને નિશાન બનાવવામાં આવ્યા હતા જેઓ ઇઝરાયલ રાજ્ય અને તેના નાગરિકો સામે ગંભીર હુમલાઓમાં સામેલ હતા. રાજિયાનાના મૃત્યુને ઇસ્લામિક જેહાદ માટે એક મોટો લશ્કરી ફટકો માનવામાં આવે છે.