Donald Trumpના ડિનર હોલ સુધી હથિયાર લઈને કેવી રીતે પહોંચ્યો શૂટર? હોટલમાં કેવી હતી સુરક્ષા? 

વોશિંગ્ટન: અમેરિકાના વોશિંગ્ટનમાં હાઈ-પ્રોફાઈલ 'વ્હાઇટ હાઉસ કોરેસ્પોન્ડન્ટ્સ ડિનર' પૂર્વે થયેલા ગોળીબારે વિશ્વભરમાં ખળભળાટ મચાવી દીધો છે. આ ઘટનાએ અમેરિકાની સર્વોચ્ચ સુરક્ષા એજન્સીઓની વ્યવસ્થા પર ગંભીર સવાલો ઉભા કર્યા છે. ખાસ કરીને જ્યારે પૂર્વ રાષ્ટ્રપતિ ડોનાલ્ડ ટ્રમ્પ, મેલાનિયા ટ્રમ્પ અને ઉપરાષ્ટ્રપતિ જેડી વેન્સ જેવા દિગ્ગજ નેતાઓ ત્યાં હાજર હતા, ત્યારે શૂટરનું અંદર સુધી પહોંચવું એ સુરક્ષામાં મોટી ચૂક માનવામાં આવી રહી છે.

આ પણ વાંચો :

Donald Trump: વિશ્વયુદ્ધના ભણકારા વચ્ચે ટ્રમ્પની ગર્જના! સોમવારે પાકિસ્તાનમાં અમેરિકા-ઈરાન વચ્ચે ‘સેકન્ડ રાઉન્ડ’ મંત્રણા, ડીલ નહીં તો વિનાશ પાક્કો!

સુરક્ષામાં ક્યાં રહી ગઈ ખામી?

મળતી માહિતી મુજબ, જે હોટલમાં આ કાર્યક્રમ યોજાયો હતો તે સામાન્ય જનતા માટે ખુલ્લી હતી. સુરક્ષા એજન્સીઓનું મુખ્ય ધ્યાન માત્ર એ બોલરૂમ (Ballroom) પર જ હતું જ્યાં વીઆઈપી મહેમાનો બેસવાના હતા. હોટલના બાકીના હિસ્સાઓ, જેમ કે લોબી અને પબ્લિક એરિયા, ત્યાં સુરક્ષા તપાસ એટલી કડક નહોતી.

મુખ્ય કારણો:

• ખુલ્લી હોટલ: આ હિલ્ટન હોટલને કાર્યક્રમ માટે સંપૂર્ણપણે સીલ કરવામાં આવી નહોતી. સામાન્ય મહેમાનોની અવરજવર ચાલુ હતી, જેનો ફાયદો ઉઠાવીને શૂટર હથિયાર સાથે અંદર પ્રવેશવામાં સફળ રહ્યો.

• સીમિત સુરક્ષા કવચ: સીક્રેટ સર્વિસનું ફોકસ માત્ર મુખ્ય હોલ પર જ હતું, જેના કારણે હોટલના અન્ય એન્ટ્રી પોઈન્ટ્સ પર દેખરેખ ઓછી હતી.

• વિરોધ પ્રદર્શનનો માહોલ: ઘટના પહેલા હોટલની બહાર અને રેડ કાર્પેટ પાસે મોટા પાયે વિરોધ પ્રદર્શન થઈ રહ્યા હતા, જેના કારણે સુરક્ષાકર્મીઓનું ધ્યાન અન્યત્ર ભટકાયું હોવાની પણ શક્યતા છે.

કેવી રીતે બની ઘટના?

જ્યારે ડિનર શરૂ થવાની તૈયારી હતી, ત્યારે અચાનક હોટલની લોબી પાસે ગોળીબારનો અવાજ સંભળાયો. પ્રત્યક્ષદર્શીઓના જણાવ્યા અનુસાર, એક પછી એક અનેક રાઉન્ડ ફાયરિંગ થતા હોટલમાં નાસભાગ મચી ગઈ હતી. તરત જ યુએસ સીક્રેટ સર્વિસે એક્શનમાં આવીને ડોનાલ્ડ ટ્રમ્પ, જેડી વેન્સ અને અન્ય મંત્રીઓને સુરક્ષિત સ્થળે ખસેડ્યા હતા.

શૂટરની ધરપકડ 

સુરક્ષા દળોએ સમયસૂચકતા વાપરીને શૂટરને ઘટનાસ્થળે જ દબોચી લીધો છે. સદનસીબે, આ હુમલામાં કોઈ જાનહાનિના સમાચાર નથી. હાલમાં નેશનલ ગાર્ડના જવાનોએ આખી હોટલને ઘેરી લીધી છે અને તપાસ તેજ કરી દેવામાં આવી છે. વિદેશ મંત્રી માર્કો રુબિયો અને રક્ષા મંત્રી પીટ હેગસેથ જેવા નેતાઓને પણ પ્રોટોકોલ મુજબ સુરક્ષિત બહાર કાઢવામાં આવ્યા હતા.

વર્ષોથી ચાલી આવતી આ પરંપરાગત ડિનર ઇવેન્ટમાં આ પ્રકારની ઘટનાએ ભવિષ્યમાં હાઈ-પ્રોફાઈલ કાર્યક્રમો માટે સુરક્ષા માપદંડો ફરીથી નક્કી કરવા મજબૂર કર્યા છે.