પહેલા મિત્રતાની વાત, પછી ચેતવણી: ટ્રમ્પ સાથેની મુલાકાત દરમિયાન જિનપિંગે તાઈવાન મામલે કડક વલણ અપનાવ્યું
છેલ્લું અપડેટ : 14 May 2026
બેઇજિંગના ગ્રેટ હોલ ઓફ ધ પીપલ ખાતે યુનાઇટેડ સ્ટેટ્સ અને ચીન વચ્ચે યોજાયેલી એક મહત્વપૂર્ણ બેઠકમાં મિત્રતા અને તણાવ બંનેની ઝલક જોવા મળી. ચીનના રાષ્ટ્રપતિ શી જિનપિંગે યુએસ રાષ્ટ્રપતિ ડોનાલ્ડ ટ્રમ્પ સાથેની ચર્ચાનો પ્રારંભ સહકાર અને ભાગીદારી પર ભાર મૂકીને કર્યો હતો; જોકે, તાઇવાનનો મુદ્દો ઉભો થતાં જ તેમનું વલણ ખાસ કરીને મક્કમ બન્યું હતું.
તાઇવાનનો મુદ્દો ચીન-યુએસ સંબંધોમાં સૌથી મહત્વપૂર્ણ અને સંવેદનશીલ
ચીનના સરકારી મીડિયા અનસારે જિનપિંગે ટ્રમ્પને કહ્યું હતું કે તાઇવાનનો મુદ્દો ચીન-યુએસ સંબંધોમાં સૌથી મહત્વપૂર્ણ અને સંવેદનશીલ પ્રશ્ન છે. સ્પષ્ટ ચેતવણી આપતા તેમણે કહ્યું, "જો આ મુદ્દાને યોગ્ય રીતે હેન્ડલ કરવામાં આવે તો બંને રાષ્ટ્રો વચ્ચેના સંબંધો સ્થિર રહેશે. જો કે, જો તેને ખોટી રીતે હેન્ડલ કરવામાં આવે તો તે બંને દેશો વચ્ચે મુકાબલો અથવા સંઘર્ષ તરફ દોરી શકે છે.
ચીને સતત તાઇવાનને તેના પ્રદેશનો અભિન્ન ભાગ ગણાવ્યો
ચીની રાષ્ટ્રપતિએ વધુમાં ભારપૂર્વક જણાવ્યું હતું કે તાઇવાનની સ્વતંત્રતા અને તાઈવાન સ્ટ્રેટમાં શાંતિ બન્ને પરસ્પર વિશિષ્ટ છે, તેથી બન્ને સાથે ચાલી ન શકે. ચીને સતત તાઇવાનને તેના પ્રદેશનો અભિન્ન ભાગ ગણાવ્યો છે, જ્યારે તાઇવાન પોતાને એક અલગ લોકશાહી એન્ટિટી તરીકે જુએ છે. યુનાઇટેડ સ્ટેટ્સે લાંબા સમયથી તાઇવાનને શસ્ત્રો અને રાજકીય સમર્થન બંને પૂરા પાડ્યા છે આ મામલે ચીને વારંવાર નારાજગીનો જાહેર કરી છે.
જો કે આ મામલે અમેરિકાને કડક ચેતવણી આપતા પહેલા જિનપિંગે દ્વિપક્ષીય સંબંધો સુધારવાની જરૂરિયાત વિશે પણ વાત કરી. તેમણે કહ્યું કે ચીન અને અમેરિકાએ ભાગીદાર બનવાનો પ્રયાસ કરવો જોઈએ, હરીફ નહીં અને વૈશ્વિક સ્થિરતાને પ્રોત્સાહન આપવા માટે સહયોગ કરવો જોઈએ. બેઠક દરમિયાન વેપાર અને ટેરિફ સંબંધિત મુદ્દાઓ પણ મુખ્ય હતા. ચીન અને અમેરિકા વચ્ચેના આર્થિક સંબંધોને(ટ્રેડ વોર)ને જીત-જીત તરીકે વર્ણવ્યા એટલેકે બંને પક્ષો માટે ફાયદાકારક, તેમણે આ સિદ્ધાંતનો પુનરોચ્ચાર કર્યો કે વેપાર યુદ્ધમાં કોઈ પણ ખરેખર વિજયી થતું નથી.
ચીનના રાષ્ટ્રપતિએ નોંધ્યું કે બંને દેશોના વેપાર પ્રતિનિધિમંડળો વચ્ચે પાછલા દિવસે થયેલી ચર્ચાઓ રચનાત્મક રહી હતી, જે વિશ્વને સકારાત્મક સંકેત આપી રહી હતી. તેમણે ભાર મૂક્યો કે મતભેદો અને તણાવ ફક્ત સમાનતાના આધારે કરવામાં આવતી વાતચીત દ્વારા જ ઉકેલી શકાય છે.ખરેખર, છેલ્લા કેટલાક વર્ષોમાં ચીન અને અમેરિકા વચ્ચેના સંબંધોમાં નોંધપાત્ર તિરાડ ઉભી થઈ છે. વેપાર યુદ્ધ (ટ્રેડ વોર), ચિપ ટેકનોલોજી, દક્ષિણ ચીન સમુદ્ર અને તાઇવાન જેવા મુદ્દાઓથી વારંવાર બંને રાષ્ટ્રો સીધા મુકાબલામાં સામ સમ સામે આવ્યા છે. હાલમાં બંને દેશો વચ્ચે ટેરિફ અંગે કામચલાઉ રાહત છે, પરંતુ તાઇવાન સૌથી મોટો વિવાદનો મુદ્દો રહ્યો છે.
