China news: ચીનના બાઓટુ શહેરમાં પ્રચંડ બ્લાસ્ટ, ધરતીકંપ જેવા આંચકા, 2 લોકોનાં મોત, 5 ગુમ

China news: પાડોશી દેશ ચીનના ઈનર મંગોલિયા સ્વાયત્ત વિસ્તાર પશ્ચિમી બાઓટુ શહેરમાં ભીષણ વિસ્ફોટ થયાનું સામે આવ્યું છે. આ બ્લાસ્ટ એટલો પ્રચંડ હતો કે આસપાસના વિસ્તારોમાં કંપન પેદા થયું અને ઘણી ઈમારતો ધ્રુજી ગઈ હતી. આ વિસ્ફોટની તીવ્રતાનું અનુમાન લગાવી શકાય છે. આ મોટા વિસ્ફોટમાં ઓછામાં ઓછા બે લોકોનાં મોત થયા છે, જ્યારે પાંચ લોકો ગુમ હોવાનું સામે આવ્યું છે. 

બ્લાસ્ટ બાદ ધરતીકંપ જેવો આંચકો
આ વિસ્ફોટ એક સ્ટીલ પ્લાન્ટમાં રવિવારે થયો હતો. આ ભીષણ વિસ્ફોટમાં પાંચ લોકો ગુમ થયા છે. તેમજ ઘણા લોકો ઈજાગ્રસ્ત છે. મળતી વિગતો અનુસાર, વિસ્ફોટની તીવ્રતા એટલી વધુ હતી કે આસપાસના વિસ્તારોમાં ધ્રૂજારી અનુભવાઈ હતી. વિસ્ફોટના કારણોની તપાસ ચાલી રહી છે. 

https://twitter.com/XHNews/status/2012817853280669816 

વિસ્ફોટના સ્થળે આગની જવાળો ઉઠી
સોશિયલ મીડિયા પર પોસ્ટ કરવામાં આવેલા વીડિયોમાં વિસ્ફોટ થયેલા સ્થળ પર આગની જવાળાઓ હવામાં લહેરાતી જોવા મળી રહી છે. જે આખા કારાખાનાને ઘેરી રહી છે,. મળતી માહિતી અનુસાર, પાંચ લોકો અત્યાર સુધી ગુમ હોવાનું સામે આવ્યું છે. અત્યાર સુધી કોઈ મોત થયાના અહેવાલ નથી. ઘણા ઈજાગ્રસ્તો થતાની સાથે તેઓને બચાવવામાં આવ્યા છે. પરંતુ તેઓનો કોઈ ચોક્કસ આંકડો સામે આવ્યો નથી. શહેરના ફાયર ફાઈટરની ટીમ ઘટનાસ્થળે છે અને બચાવ કામગીરી પૂરજોશમાં છે.
 
વિસ્ફોટ બાદ લોકોમાં ભયનો માહોલ
મળતી માહિતી અનુસાર, આ વિસ્ફોટ બાઓગાંગ યુનાઈટેટ સ્ટીલના પ્લેટ પ્લાન્ટમાં બપોરના આશરે 3 વાગ્યે થયો હતો. આ કંપની બાઓટુમાં મુખ્ય સ્ટીલ ઉત્પાદક છે. ઘટના બાદ ભારે ધૂમાડો ઉડતો જોવા મળ્યો હતો. આ ઉપરાંત આજુબાજુંના વિસ્તારમાં ધ્રૂજારી અનુભવાઈ હતી. જેનાથી સ્થાનિક લોકોમાં ભય ફેલાયો હતો. આ ઘટના ચીનમાં ઔદ્યોગિક સુરક્ષા માપદંડો પર ફરીથી સવાલ ઉઠાવ્યા હતા. જ્યાં ગત વર્ષોમાં અનેક વિસ્ફોટ અને દુર્ઘટનાઓ થઈ હતી.