પેરિસ ઓલિમ્પિકના ઉદ્ઘાટન પહેલા ફ્રાન્સના હાઇ-સ્પીડ રેલ નેટવર્ક પર હુમલો, ઘણી ટ્રેનોમાં તોડફોડ

ફ્રાન્સના રાષ્ટ્રીય રેલ ઓપરેટરે શુક્રવારે જણાવ્યું હતું કે, 2024 પેરિસ ઓલિમ્પિકના ઉદઘાટન સમારોહના કલાકો પહેલા, આગ અને અન્ય તોડફોડ કરવામાં આવી હતી. જેના કારણે ફ્રાન્સના હાઇ-સ્પીડ ટ્રેન નેટવર્કને અસર થઇ છે. પરિવહન વ્યવસ્થામાં વિક્ષેપ પાડ્યો છે. ફ્રેન્ચ રેલ્વે ઓપરેટર SNCF એ તેના કેટલાક હાઇ-સ્પીડ ટ્રેન રૂટ પર તોડફોડની ઘટનાઓની જાણ કરી છે. દેશના પશ્ચિમ, ઉત્તર અને પૂર્વ તરફની લાઇન પર TGV હાઇ-સ્પીડ રેલ નેટવર્ક ખોરવાઈ ગયું હતું, કેટલાક વિભાગો પર સેવા સ્થગિત કરવામાં આવી હતી, સ્થાનિક મીડિયાએ અહેવાલ આપ્યો હતો.

ફ્રાન્સના ટ્રાન્સપોર્ટ મિનિસ્ટર પેટ્રિસ વર્ગ્રિટે આ અંગે માહિતી આપી હતી

ફ્રેન્ચ ટ્રાન્સપોર્ટ મિનિસ્ટર પેટ્રિસ વર્ગ્રિટે ટ્વિટર પર જણાવ્યું હતું કે કેટલાક અસામાજિક તત્વોએ ઘણી TGV લાઈનોને નિશાન બનાવી હતી અને આ સપ્તાહના અંત સુધી ટ્રાફિકને ગંભીર રીતે વિક્ષેપ પાડશે. હું આ ગુનાહિત ક્રિયાઓની સખત નિંદા કરું છું, જે ઘણા ફ્રેન્ચ લોકોના વિકેન્ડ મુસાફરીને અસર કરી શકે છે. શક્ય તેટલી ઝડપથી ટ્રાફિકની સ્થિતિ પુનઃસ્થાપિત કરવા કામગીરી કરવામાં આવી રહી છે.