VIDEO: ANDARNI VAAT / બરફવર્ષામાં રસ્તા બંધ થશે તો પણ ઓનલાઇન મળશે મોટા ડૉક્ટર્સની મદદ

જમ્મુ-કાશ્મીરના સરહદી જિલ્લા રાજૌરીના અત્યંત દુર્ગમ અને અંતરિયાળ વિસ્તારોમાં રહેતા નાગરિકો માટે આરોગ્ય ક્ષેત્રે એક ક્રાંતિકારી પહેલ કરવામાં આવી છે.. આ પહાડી વિસ્તારોમાં રહેતા લોકોને ઘરઆંગણે જ અદ્યતન સ્વાસ્થ્ય સેવાઓ મળી રહે તે માટે ત્રણ હાઇટેક ટેલિમેડિસિન યુનિટનું ભવ્ય ઉદ્ઘાટન કરવામાં આવ્યું છે.. આ સુવિધાના માધ્યમથી સ્થાનિક દર્દીઓ હવે મોટા શહેરોના નિષ્ણાત તબીબો સાથે સીધું ડિજિટલ પરામર્શ કરી શકશે. આ પ્રોજેક્ટ અંતર્ગત ગ્રામજનોને તમામ પ્રકારના નિદાન પરીક્ષણો અને ગુણવત્તાયુક્ત દવાઓ તદ્દન મફત પૂરી પાડવામાં આવશે, જેનાથી ગરીબ પરિવારોને સારવાર માટે મોટા શહેરો સુધી લાંબા થવું નહીં પડે.

આ મહત્વકાંક્ષી ડિજિટલ હેલ્થ પ્રોજેક્ટ પાછળની અંદરની વાત એ છે કે, આ માત્ર એક સામાન્ય તબીબી સુવિધા નથી, પરંતુ સરહદી વિસ્તારોમાં વધતા ભૌગોલિક તણાવ અને બરફવર્ષા દરમિયાન સંપૂર્ણપણે સંપર્કવિહોણા બની જતા ગામડાઓને સુરક્ષિત રાખવા માટેની કેન્દ્ર સરકારની એક વ્યૂહાત્મક યોજના છે.. અગાઉ શિયાળામાં રસ્તાઓ બંધ થવાને કારણે સમયસર સારવાર ન મળતા અનેક દર્દીઓ જીવ ગુમાવતા હતા.. આ ભૌગોલિક પડકારને પહોંચી વળવા અને સ્થાનિક સ્તરે મેડિકલ સ્ટાફની અછતને છુપાવવા માટે તંત્રએ સેટેલાઇટ કનેક્ટિવિટી આધારિત આ ટેલિમેડિસિન નેટવર્ક ઊભું કર્યું છે, જેથી સંકટના સમયમાં સીધી દિલ્હી કે જમ્મુથી કટોકટીની સારવાર ઓનલાઇન મોનિટર કરી શકાય.