Video/ એરપોર્ટ પર અંધાધૂંધી: વારંવાર ટાઇમ બદલી Indigoએ ફ્લાઇટ કેન્સલ કરી

ઇન્ડિગો દ્વારા મુસાફરોને સતત બે દિવસ સુધી ખોટા સમય આપવામાં આવ્યા હતા. ગઈકાલે બપોરનો સમય આપીને પછી સાંજે 5 વાગ્યા, રાત્રે 12.30  વાગ્યા અને છેલ્લે આજે સવારે 5 વાગ્યાનો સમય આપ્યા બાદ આ ફ્લાઇટ કેન્સલ કરી દેવાઈ હતી.

આ વિલંબ અને રદ્દીકરણના કારણે કચ્છ અને સૌરાષ્ટ્ર સહિતના વિસ્તારોના યાત્રીઓ, જેઓ કાશ્મીરની મજા માણવા કે માતા વૈષ્ણવ દેવીના દર્શને જઈ રહ્યા હતા, તેઓ અટવાયા હતા. આ અટવાયેલા યાત્રીઓમાં કરણી સેનાના રાષ્ટ્રીય અધ્યક્ષ રાજ શેખાવતનો પણ સમાવેશ થાય છે, જેઓ બે દિવસથી હેરાન-પરેશાન હતા.

રોષે ભરાયેલા યાત્રીઓનો હોબાળો

એરલાઇન્સ તરફથી યોગ્ય જવાબ કે સહકાર ન મળતાં યાત્રીઓનો ગુસ્સો ફાટી નીકળ્યો હતો. ઘણા મુસાફરોને હોટલમાં રોકાવા મજબૂર થવું પડ્યું, જ્યારે કેટલાક લોકોએ કડકડતી ઠંડીમાં એરપોર્ટ પર જ રાત વિતાવી હતી. આખરે, રોષે ભરાયેલા મુસાફરોએ કાઉન્ટર આગળ ભારે વિરોધ પ્રદર્શન કર્યું હતું અને એરપોર્ટ પર "Indigo ચોર હૈ"ના નારા લગાવ્યા હતા.