VIDEO : બે છોકરાઓએ ચાલતી ટ્રક સાથે ખતરનાક સ્ટંટ કર્યો, આ દ્રશ્ય જોઈ તમે પણ ડરી જશો

ચાલતી ટ્રક પાછળ સ્કેટિંગ સ્ટંટ કરતા બે છોકરાઓનો એક ડરામણો વીડિયો સોશિયલ મીડિયા પર ચર્ચાનો વિષય બન્યો છે. આમાં સ્કેટ પહેરેલા છોકરાઓ પાછળથી એક સ્પીડિંગ ટ્રકને પકડતા જોવા મળે છે. દાવો કરવામાં આવી રહ્યો છે કે આ વીડિયો બાંગ્લાદેશના ઢાકાનો છે, જે બિજોય સરની મેટ્રો સ્ટેશન પાસે શૂટ કરવામાં આવ્યો છે. જો કે, gstv આની પુષ્ટિ કરતું નથી.

વાયરલ થઈ રહેલા વીડિયોની શરૂઆત છોકરાઓ ચાલતી ટ્રકની બંને બાજુએ વળગી રહે છે. આ પછી એક છોકરો ખતરનાક સ્ટંટ કરવા લાગે છે, જ્યારે બીજો તેને ફિલ્માવી રહ્યો છે. વીડિયોમાં જોઈ શકાય છે કે બંને છોકરાઓ સેફ્ટી ઈક્વિપમેન્ટ વિના સ્ટંટ કરી રહ્યા છે. શેર કરીને યુઝર્સ કહી રહ્યા છે કે જો આ છોકરાઓને કંઈ થયું હોત તો પરિવારના સભ્યો નિર્દોષ ટ્રક ડ્રાઈવર વિરુદ્ધ એફઆઈઆર નોંધાવી દેત, જ્યારે અસલી દોષ તેમનો જ છે.

X પર જુઓ

ઘણા સોશિયલ મીડિયા યુઝર્સે છોકરાઓની સુરક્ષાને નજરઅંદાજ કરવા બદલ તેમની ટીકા કરી હતી. એક યુઝરે કમેન્ટ કરી કે, જો આ ટેલેન્ટને યોગ્ય પ્લેટફોર્મ પર બતાવવામાં આવ્યું હોત તો લોકોએ તેની પ્રશંસા કરી હોત. પરંતુ આ લોકો રસ્તો ભટકી ગયા છે, તેથી તેમની સામે કાર્યવાહી કરવાની જરૂર છે. તેમજ અન્ય યુઝરે લખ્યું, તે ખતરનાક છે પરંતુ તેની પાસે ટેલેન્ટ છે. પરંતુ તેનો ઉપયોગ યોગ્ય જગ્યાએ થવો જોઈતો હતો. અન્ય એક યુઝરે પ્રતિક્રિયા આપતા કહ્યું કે, આ છોકરાઓ આર્મી, પોલીસ અને સ્પેશિયલ ફોર્સમાં જરૂર છે, પરંતુ તેઓ આ રીતે રસ્તાઓ પર પોતાનો જીવ બરબાદ કરી રહ્યા છે.